कल्पना यमजी पवार (वय - २७, रा. मोहाडी) व प्रशांत विठ्ठल वाघ (वय - ३० रा. हनुमानवाडी) असे मृतांचे नावे आहेत. दरम्यान, या घटनेत पोलीसांनी चालकाला अटक केली आहे. [ads id="ads1"]
याबाबत सविस्तर वृत्त असे की, पाचोरा तालुक्यातील लाख (तांडा), वरसाडे (तांडा), मोहाडी, हनुमानवाडी येथील २४ ते २५ ऊसतोड मजूर हे फलटन येथील निरा - भिमा सहकारी साखर कारखान्यासाठी २२ आक्टोंबर, शुक्रवारी रोजी पाहाटे दिड वाजेच्या सुमारास एका आयसरने निघाले. सकाळी ५:३० वाजेच्या दरम्यान आयसर सिल्लोड तालुक्यातील भराडी गावाजवळील धानोरा फाट्यावर पोहचला. त्यावेळी समोर रोडच्या कडेला बंद ढम्पर उभा होता. आयसर त्यावर जाहून धडक्याने झालेल्या अपघातात दोन जणांचा जागेवरच मृत्यू झाला. यात कॅबिनमध्ये बसलेली कल्पना पवार व प्रशांत वाघ हे जागेवरच ठार झाले.
जखमी झालेल्यांचे नाव :
गाडीत बसलेले निलेश यमजी पवार (रा. मोहाडी ता. पाचोरा), अनिल तंवर (रा. कुऱ्हाड तांडा ता. पाचोरा), दादाभाऊ राठोड (रा. वरसाडे ता. पाचोरा), मोहन भिल रा. लाख (तांडा), रुखमाबाई पवार (रा. वरसाडे ता. पाचोरा), दादाभाऊ पवार (रा. वरसाडे ता. पाचोरा) हे सहा जण गंभीर जखमी झाले. या जखमींवर सिल्लोड येथील उपजिल्हा रुग्णालयात उपचार सुरू आहे. दरम्यान मयतांचे शवविच्छेदन ही सिल्लोड येथील उपजिल्हा रुग्णालयात करण्यात आले.
मयतांच्या नातेवाईकांना १० लाख रुपये नुकसान भरपाई मिळावी अशी मागणी मोहाडी येथील माजी सरपंच भिवा शंकर जाधव यांनी निरा - भिमा सहकारी साखर कारखान्याकडे केली आहे. दरम्यान घडलेल्या या घटनेमुळे मोहाडी व हनुमानवाडी गावात शोककळा पसरली आहे.
