[ads id="ads2"]
रावेर तालुका प्रतिनिधी (राजेश रायमळे) पोलीस स्टेशन येथे पोलीस निरीक्षक कैलास नांगरे यांच्या मार्गदर्शनाखाली पोलीस स्टेशन हद्दीतील सर्व पोलीस पाटील यांची जिल्हा विधीसेवा प्राधिकरण जनजागृतीपर बैठक संपन्न झाली.
[ads id="ads1"]
याबाबत सविस्तर वृत्त असे की, रावेर पोलीस स्टेशनचे पोलीस निरीक्षक कैलास जी नांगरे यांचे मार्गदर्शनाखाली पोलीस स्टेशन हद्दीतील सर्व पोलीस पाटील यांची बैठक घेऊन आपापल्या गावात जिल्हा विधीसेवा प्राधिकरणाकडून प्राप्त पत्रके वाटून जनजागृती करणेविषयी मार्गदर्शन केले.
बैठकीत मार्गदर्शन करतांना ते म्हणालेत की, जिल्हा विधीसेवा प्राधिकरण जळगांव, ची स्थापना लिगल सर्व्हिसेस ऑथाॅरीटी अँक्ट सन १९८७ नुसार झालेली असून मा.प्रमुख जिल्हा व सत्र न्यायाधीश जळगांव हे प्राधिकरणाचे पदसिद्ध अध्यक्ष तर वरिष्ठ न्यायाधीश हे सचिव असतात.
व जिल्हा विधीसेवा प्राधिकरणा मार्फत विविध लोककल्याणकारक कायदेविषयक योजना राबविण्यात येतात, त्या सर्व योजनांची माहीती प्राधिकरणाकडून प्राप्त पत्रकांमध्ये असून आपापल्या गावात पत्रके वाटून जनजागृती करून जनसामान्यांपर्यंत ही माहीती पोहोचवावी जेणेकरून त्यांना प्राधिकरणाकडून मिळणाऱ्या विविध सवलती व योजनांचा लाभ घेता येईल. सदर बैठक यशस्वीतेसाठी रावेर पोलीस स्टेशन कर्मचारी वृंदाने परिश्रम घेतले.
