[ads id="ads2"]
Maharashtra , Thane ठाणे - जिल्ह्यात सोमवारी एका घराला आग लागून एका 40 वर्षीय महिलेचा मृत्यू झाला. दिवा शहरातील वेताळ पाडा भागात असलेल्या एका जुन्या घरात ही घटना सकाळी 11.30 वाजण्याच्या सुमारास घडल्याचे पालिका अधिकाऱ्यांनी सांगितले.
[ads id="ads1"]
ठाणे महापालिकेच्या प्रादेशिक आपत्ती व्यवस्थापन कक्षाचे (आरडीएमसी) प्रमुख संतोष कदम यांनी सांगितले की, आधी घराला आग लागली, त्यानंतर घर कोसळले.
सपना विनोद पाटील असे मृत महिलेचे नाव असून ती ढिगाऱ्याखाली दबली गेली आहे, असे त्यांनी सांगितले. माहिती मिळताच आरडीएमसी, ठाणे आपत्ती प्रतिसाद दल, स्थानिक पोलीस आणि अग्निशमन दलाचे जवान घटनास्थळी पोहोचले आणि ढिगाऱ्यातून पीडितेची सुटका केली, असे कदम यांनी सांगितले.
ढिगाऱ्यातून बाहेर काढण्यापूर्वीच महिलेचा मृत्यू झाला आणि तिचा मृतदेह शवविच्छेदनासाठी सरकारी रुग्णालयात पाठवण्यात आला आहे, असे अधिकाऱ्याने सांगितले.
आगीचे कारण अद्याप समजू शकले नसल्याचे त्यांनी सांगितले. याप्रकरणी डायघर पोलिस ठाण्यात आकस्मिक मृत्यूची नोंद करण्यात आली आहे.
