रावेर (प्रतिनिधी) रावेर तालुक्यातील बनावट अपंग प्रमाणपत्र मिळवून त्यावर तालुका अंतर्गत बदलीचा लाभ पदरात पाडून घेणारे ग्रामसेवक राहुल रमेश लोखंडे( कोचर बु।।), छाया रमेश नेमाडे( मांगी), रवींद्रकुमार चौधरी( पुरी गोलवाडे), शामकुमार पाटील( सिंगत) आणि नितीन दत्तू महाजन( वघोदा बु) यांच्यावर कारवाईची तलवार टांगती असतांना [ads id="ads1"] रावेर ग्रामसेवक संघटनेचे प्रभारी अध्यक्ष शिवाजी सोनवणे यांची एन्जोप्लास्टी झालेली असतांना त्यांनी हृदय शस्रक्रिया झाल्याचा बनाव करुन तब्बल चार वर्षे वाघोदा खु येथून बदली टाळल्याचे दि. ४/१/२०२२ रोजी गट विकास अधिकारी यांनी जळगांव जिल्हा परिषदेला पाठविलेल्या अहवालात उघड झाली आहे.[ads id="ads2"]
या बाबत सविस्तर वृत्त असे की, श्री शिवाजी गुलाबराव सोनवणे यांच्या बाबत निंबोल येथील सामाजिक कार्यकर्ते श्री किशोर भिवा तायडे गेल्या वर्षभरापासून तक्राई करीत आहेत ; मात्र शिवाजी सोनवणे रावेर तालुका ग्रामसेवक संघटनेचे प्रभारी अध्यक्ष असल्याने पंचायत समिती प्रशासन त्यांच्या विरुद्ध कारवाई करायला धजत नव्हतं. श्री तायडे यांनी मागील महिन्यात दोन वेळा या प्रकरणी चौकशी होऊन कारवाईसाठी दोन वेळा आत्मदहन करण्याचा इशाराही दिला होता, तरीही निगरगट्ट प्रशासन ताळ्यावर येत नव्हतं.
दि ३/१/२०२२ पासून किशोर तायडे यांनी पंचायत समिती कार्यालयासमोर बेमुदत उपोषण सुरू केलं आणि कालपर्यँत सोनवणे यांच्यावर कारवाई करण्याचा प्रश्नच उदभवत नाही, अशी भूमिका घेणाऱ्या प्रशासनाला एन्जोप्लास्टी ही हृदय शस्रक्रिया नाही, हे लक्षात आलं आणि शिवाजी गुलाबराव सोनवणे यांच्या विरुद्ध कारवाई जिल्हा परिषदेकडे तडकाफडकी प्रस्तावित करण्यात आली. अखेर शिवाजी सोनवणेचा ह्र्दय शस्रक्रियेचा बनाव उघड झाला.
