धरणगाव प्रतिनिधी -पी.डी.पाटील सर
धरणगांव : धरणगाव ग्रामीण रुग्णालयाला उपजिल्हा रुग्णालयाच्या दर्जा न मिळाल्यास उपोषण करणार असल्याचे प्रतिपादन सामाजिक कार्यकर्ते लक्ष्मणराव पाटील यांनी केले.[ads id="ads1"]
धरणगाव तालुक्याचे ठिकाण असून देखील सुविधांचा अभाव आहे, आपातकालीन परिस्थितीत वेळेवर वैद्यकीय उपचार लागतो येथील रुग्णालयात आवश्यक सुविधा २४ तास उपलब्ध असायला पाहिजे. तज्ञ डॉक्टरांची टीम व सुसज्ज रुग्णवाहिका, तसेच ऑक्सिजनची सुविधा व इतर सर्व वैद्यकीय सुविधा उपलब्ध करून द्याव्यात.[ads id="ads2"]
मी दिलेल्या अर्जाचा सहानभूतिपूर्वक विचार करून येत्या पाच दिवसात शाश्वत खुलासा करावा अन्यथा दिनांक २० सप्टेंबर २०२२ मंगळवार पासून मी साखळी उपोषणाला सुरुवात करेल. संविधानिक मार्गाने व कायद्याच्या चौकटीत राहून छत्रपती शिवराय स्मारकाजवळ साखळी उपोषणाला बसणार आहे. अशी पूर्व परवानगी चे निवेदन धरणगावचे तहसिलदार नितीनकुमार देवरे व पोलिस स्टेशनचे पि एस आय संतोष पवार यांना सदर निवेदन देण्यात आले.
याप्रसंगी ओबीसी मोर्चाचे महाराष्ट्र राज्य कार्यकारणी सदस्य तसेच बहुजन क्रांती मोर्चा चे तालुका संयोजक आबासाहेब राजेंद्र वाघ, राष्ट्रीय किसान मोर्चाचे तालुकाध्यक्ष गोरख देशमुख, एच.डी.माळी, पी.डी.पाटील, बापू मोरे, विक्रम पाटील, अमोल सोनार, निलेश पवार, आनंद पाटील, भूषण भागवत, निलेश माळी, दिनेश भदाणे, विक्रम पाटील, राकेश पाटील आदी सामाजिक कार्यकर्ते मोठ्या संख्येने उपस्थित होते.
