ऐनपूर ता.रावेर (विनोद हरी कोळी) : ऐनपूर परिसर शिक्षण प्रसारक मंडळ ऐनपूर येथील स.व.प.कला व विज्ञान महाविद्यालयातील रा.से.यो. एककातर्फे सरदार वल्लभभाई पटेल यांची पुण्यतिथी साजरी करण्यात आली. प्रा.डॉ.डी.बी.पाटील यांचे व्याख्यान या निमित्ताने आयोजित करण्यात आले होते. [ads id="ads1"]
त्यांनी आपल्या व्याख्यानात सांगितले की,सरदार वल्लभभाई पटेल यांचे कार्य भारत देशाच्या निर्माणामध्ये अतुलनीय आहे. एकसंघ भारताचे स्वप्न सरदार वल्लभभाई पटेल यांनी पहिले होते. ते पूर्ण करण्यासाठी त्यांनी कष्ट घेतले. नवभारताच्या उभारणीसाठी सरदार पटेल यांचे विचार प्रेरक आहेत. युवकांनी सरदार पटेलांचे कार्य व विचार आत्मसात केले पाहिजेत असे प्रतिपादन डॉ.डी.बी.पाटील यांनी केले.[ads id="ads2"]
या कार्यक्रमाचे अध्यक्ष डॉ.एस.एन. वैष्णव हे होते. याप्रसंगी डॉ. वैष्णव यांनी उपस्थितांना मार्गदर्शन केले. कार्यक्रमाचे सूत्रसंचालन प्रा.प्रदीप तायडे यांनी तर आभार प्रा.अक्षय महाजन यांनी केले. या कार्यक्रमाला डॉ.एस.एन.झोपे, डॉ.एन.एस.वाणी तसेच महाविद्यालयातील प्राध्यापक वृंद व शिक्षकेतर कर्मचारी उपस्थित होते. सदर कार्यक्रमाच्या यशस्वीतेसाठी मा.प्राचार्य डॉ.जे.बी. अंजने यांचे मार्गदर्शन लाभले.
