साक्री ( अकिल सादिक शहा) :धुळे जिल्ह्यातील साक्री तालुक्यातील शेवाळी(दा.) येथील ग्रामदैवत येडू माय मातेच्या यात्रोत्सवाला दिनांक 11 एप्रिल रोजी प्रारंभ झाला. मागील दोन वर्षापासून कोरोनाचे संकट लक्षात घेऊन गावात यात्रा उत्साहात पार पडली नव्हती परंतु आता कोरोनाचे संकट कमी झाले असून हे लक्षात घेऊन शेवाळी येथील यात्रा यावर्षी प्रचंड उत्साहात पार पडली.[ads id="ads1"]
यात्रेनिमित्त विविध प्रकारच्या खेळण्यांची दुकाने ,पाळणे, कटलरी वस्तू व संसारोपयोगी वस्तूसह हॉटेल्स व पूजेचे साहित्य,टरबूज-डांगर,शीतपेय विक्रेत्यांची दुकाने येथे थाटले होते, बाहेरगावी वास्तव्यास असलेले स्थानिक नागरिकांनी यात्रेनिमित्त गावी हजेरी लावली होती त्यामुळे मातेच्या दर्शनासाठी दिवसभर गर्दी होती यात्रेनिमित्त सुनंदा कोचुरे यांच्या लोकनाट्य तमाशाचे आयोजन भद्रावती नदीकाठी करण्यात आले होते, लोकनाट्य तमाशा बघण्यासाठी आवड असणारे नागरिकांची संख्या खूप मोठ्या प्रमाणात होती ,यात्रेत संध्याकाळी तगतरावाची मिरवणूक करण्यात आली.[ads id="ads2"]
यात्रा उत्सवासाठी गावातील सरपंच ,उपसरपंच व व तसेच सर्व सदस्य ,ग्राम सुधार मंडळ ,विविध विकास कार्यकारी सोसायटी चेअरमन व संचालक मंडळ, ग्राम विकास अधिकारी, पोलीस पाटील, तंटामुक्ती समिती अध्यक्ष व सर्व सदस्य तसेच ग्रामस्थांसह तरुणांनी संयोजन केले आहे. शेवाळी येथील शिवप्रतिष्ठानचे अध्यक्ष प्रसिद्ध डॉक्टर अनिल नांद्रे यांनी गावाचा व तसेच येडूमाय मातेचा इतिहास सांगत संकट काळात काळात गावावरती मातेची नेहमी असणारी कृपादृष्टी या विषयावर त्यांनी आपले प्रबोधन व्यक्त करीत दरवर्षी होणाऱ्या परंपरागत यात्रेचे महत्व थोडक्यात सांगितले. यावेळी शेवाळी(दा )गांव व परिसरातील हजारोंच्या संख्येने येडूमाय मातेच्या यात्रेला भाविकांनी व तसेच नागरिकांनी हजेरी लावली होती.
