यावल ( सुरेश पाटील )
कठीण प्रसंगात डगमगून न जाता धैर्याने सामना करणार जळगाव येथे हिंदू जनजागृती समितीतर्फे आयोजित शौर्य जागृती शिबिरात युवतींनी केला निर्धार.
जीवनात कोणताही प्रसंग कोणालाही आधी सांगून येत नाही.युवती,महिला यांच्या बाबत तर हल्ली विविध प्रतिकूल प्रसंगांना त्यांना सामोरे जावे लागते.अशा वेळी कुटुंबातील कुणी सोबत असेलच असे सांगता येत नाही. त्यावेळी ती युवती प्रशिक्षित असेल,तर निश्चितच त्या प्रतिकूल प्रसंगाचा सामना करू शकेल,याच भावनेने हिंदु जनजागृती समितीच्या वतीने जळगाव शहरात विनामूल्य शौर्यजागरण शिबिराचे आयोजन केले होते.प.न. लुंकड कन्या शाळेत दि.८जून रोजी सुरु झालेल्या शिबिराची १७ जूनला सांगता झाली. या शिबिराचा शहरातील विविध भागातील युवतींनी लाभ घेतला.यात कराटे, लाठी-काठी,दंड साखळी यांचे प्राथमिक स्तरावरील प्रशिक्षण या शिबिरात देण्यात आले. सांगता प्रसंगी संपूर्ण शिबीर अभ्यासक्रम पूर्ण केलेल्या युवतींना प्रशस्तिपत्रक देऊन त्यांचा सन्मान करण्यात आला.[ads id="ads1"]
शिबिराच्या समारोपीय कार्यक्रमाला शिबिरार्थी युवतींचे पालक पण आले होते. समारोपीय कार्यक्रमात अनेक शिबिरार्थी युवतींनी त्यांना शिबिराचा कसा लाभ झाला, त्यांचे मनोबल कसे वाढले आहे याविषयी उत्स्फूर्तपणे मनोगत व्यक्त केले.काही पालकांनीही शिबिराचा त्यांच्या पाल्याना कसा लाभ झाला,आपल्या संस्कृतीचे महत्व त्यांना या शिबिरातून कसे कळले याविषयी सांगितले.हिंदू जनजागृती समितीचे उत्तर महाराष्ट्र संघटक प्रशांत जुवेकर यांच्या हस्ते शिबिरार्थी युवतींना प्रशस्तिपत्रक देण्यात आले. [ads id="ads2"]
यापुढे शहरात अन्य काही ठिकाणी असे विनामूल्य शिबीर घेऊन अधिकाधिक युवतींना स्वसंरक्षण करण्याचे धडे देण्यात येणार असल्याचे जुवेकर यांनी या वेळी सांगितले.समितीच्या वतीने केमिकल इंजिनियरिंग केलेल्या कु.सायली पाटील यांनी प्रशिक्षक म्हणून तर त्यांच्या सोबत कु.वैष्णवी बारी,कु. निकिता सोनार,कु.कोमल सोनार,यांनी सह प्रशिक्षक म्हणून सेवा केली.
