रावेर (सुवर्ण दिप वृत्तसेवा) : रावेर नगर परिषदेच्या सार्वत्रिक निवडणुकीची अधिकृत घोषणा होताच स्थानिक राजकारणात चुरस वाढली असून प्रभाग क्रमांक 12 मधील स्पर्धा अधिकच रंगतदार बनली आहे. या पार्श्वभूमीवर रावेर स्टेशन येथील युवा विशाल मुकुंदा तायडे यांनी आज दिनांक 16 नोव्हेंबर रोजी दुपारी रावेर रेल्वे स्टेशन येथील छत्रपती शिवाजी महाराज यांच्या पुतळ्यास पुष्पहार अर्पण केला. त्यानंतर डॉ.बाबासाहेब आंबेडकर यांच्या पुतळ्यास पुष्पहार अर्पण केला.
(ads)
व त्यानंतर डॉ.बाबासाहेब आंबेडकर यांच्या पुतळ्यापासून ते नगर पालिका कार्यालय या दरम्यान भव्य शक्ती प्रदर्शन केले. व दुपारी अपक्ष म्हणून प्रभाग क्रमांक 12 मधील सर्वसाधारण पदाचा उमेदवारी अर्ज दाखल केला. त्यांच्या शक्ती प्रदर्शनामुळे प्रभागात आणि रावेर शहरात निवडणूक वातावरण अधिकच तापले आहे.
(ads)
रावेर शहरातील नागरिकांच्या ते सुखात,दुःखात नेहमी जात असल्याने तसेच नागरिकांशी त्यांनी सातत्याने संपर्क ठेवण्यामुळे त्यांना प्रभागात मजबूत आधार मिळाल्याचे मानले जात आहे.
