रावेर नगरपालिका प्रभाग 12 ब मधील अपक्ष उमेदवार विशाल तायडे यांना मतदारांचा वाढता पाठिंबा

सुवर्ण दिप न्यूज : मुख्य संपादक : राहुल डी गाढे

 



जनसेवा करण्याची संधी दिल्यास प्रभागाचा भरभरून विकास करूनच दाखवणार: विशाल तायडे

रावेर नगरपालिकेची निवडणूक येत्या 2 डिसेंबरला होत असून प्रचाराला शहरात चांगलाच जोर धरला असून रावेर शहरातील प्रभाग क्र. 12 ( ब ) यात सर्वात जास्त तरुण मतदार असून या प्रभागातून चार उमेदवार रिंगणात असून नेहमीच लोकांच्या सुख दुःखात तत्काळ धावून येणारा तरुण अपक्ष उमेदवार विशाल मुकुंदा तायडे यांनी प्रचारात जोरदार मुसंडी मारली असून मतदारांचा त्यांना उत्स्फूर्तपणे प्रतिसाद व पाठिंबा देखील मिळत आहे. आपल्याकडे विकासाचे व्हिजन असून भविष्यात रावेर नगरपालिकेच्या माध्यमातून प्रभागाला आदर्श बनविणार असल्याचा संकल्प केला असल्याची माहिती अपक्ष उमेदवार विशाल तायडे यांनी साप्ताहिक सुवर्ण दिप वृत्तपत्र ला दिली.

(ads)

या प्रभागातून रिक्षा चिन्ह घेऊन निवडणूक लढवित असलेले अपक्ष उमेदवार विशाल मुकुंदा तायडे हे उच्च शिक्षित,असून त्यांचा मनमिळावू स्वभाव, सर्वसामान्य नागरिकांच्या अडचणीत नेहमीच तत्परतेने धावून जाणारा, प्रसंगी मदतही करणारा उमेदवार म्हणून विशाल मुकुंदा तायडे यांच्याकडे पाहिले जात आहे. विशाल मुकुंदा तायडे यांना या प्रभागातील समस्यांची जाण असून ते या समस्या भावी काळात मार्गी लावून विकास कामे करतील असा विश्वास मतदारांना आहे. समाजातील तसेच प्रभागातील शिक्षण घेणाऱ्या मुलांना सातत्याने मार्गदर्शन करून त्यांना सुशिक्षित व सुसंस्कारीत करण्यासाठी त्यांचे नेहमी प्रयत्नशील राहतात. यामुळेच तरुण उमेदवार तसेच महिला देखील मोठ्या प्रमाणात त्यांच्या प्रचारात उतरताना दिसून येत आहे.

(ads)

या प्रभागातून विशाल मुकुंदा तायडे अपक्ष उमेदवार यांचा प्रभागातील प्रत्येक मतदारापर्यंत असलेला जनसंपर्क व वेळोवेळी नागरिकांचे सोडवलेले प्रश्न या त्यांच्यासाठी जमेच्या बाजू आहेत. यामुळे या प्रभागातून त्यांचा विजय निश्चित मानला जात असल्याची या प्रभागातील मतदारांमध्ये चर्चा आहे.



#buttons=(Ok, Go it!) #days=(20)

Our website uses cookies to enhance your experience. Check Now
Ok, Go it!