जिल्हा परिषद मराठी मुलांची शाळा सहस्त्रलिंग ता रावेर येथे " परिवर्तनाच्या वाटेवर " या उपक्रमा अंतर्गत तेरावे वाटसरु म्हणून श्री प्रेमसिद्ध तायडे यांचे विविध संगीत वाद्यांचे सादरीकरण .........
सर्वात प्रथम श्री प्रेमसिद्ध तायडे यांचे स्वागत जेष्ठ शिक्षणप्रेमी नागरिक मुस्तुफा तडवी यांनी केले . श्री विकास सुरवाडे सरांनी उपस्थितांना त्यांचा परिचय करून देतांना सांगितले की श्री प्रेमसिद्ध तायडे हे पियानो, फिडल, बॅन्जो, वायोलिन, गिटार, तबला, बासुरी इ. वाद्य वादन करतात . तदनंतर श्री प्रेमसिद्ध तायडे यांनी विद्यार्थ्यांना पियानो व बासुरी वाजवुन दाखवली व जीवन जगण्यासाठी एक तरी छंद जोपासण्याचे सांगितले व संगीतविषयक क्षेत्रात व्यवसायाच्या उत्तम संधी आहेत याची माहिती दिली. श्री विकास सुरवाडे सरांनी तायडे सरांच्या साह्याने इयत्ता तिसरी ची ' माझी एक गाय होती तिला होते वासरु '( एक परदेसी मेरा दिल ले गया या चालीवर ) ही कविता पॅनो च्या लयीसह सादर केली. तसेच श्री तायडे यांनी विद्यार्थ्यांच्या आवडीच्या विविध गीतांचे सादरीकरण केले. व गीतांच्या चालीवर बोल ओळखण्याचा एक छोटेखानी खेळ घेतला .
(ads)
सदर उपक्रमामुळे विद्यार्थ्यांचे मनोरंजन तर झालेच सोबत विविध संगीतविषयक साहित्याची माहिती मिळाली व या कले प्रती गोडी निर्माण होण्यास मदत झाली . सदर कार्यक्रमाचे सूत्रसंचालन श्री साईनाथ चन्ने सरांनी केले . कार्यक्रमास आकाश मेढे , अलाउद्दीन तडवी, यांची उपस्थिती होती . सदर कार्यक्रमासाठी आवश्यक फलकलेखन शिक्षणप्रेमी पालक श्री नईम तडवी यांनी केले .
(ads)
