चिनावल येथील 'भीम ज्योती बुद्ध विहारात' दोन दिवसीय धम्म प्रशिक्षण शिबिराचा पहिला दिवस उत्साहात संपन्न

चिनावल ता.रावेर (किरण भिमराव भालेराव)

स्वातंत्र्यदिनाच्या पवित्र औचित्यावर चिनावल येथील 'भीम ज्योती बुद्ध विहारात' भीम ज्योती बुद्ध विहार समिती व उपासक-उपासिका संघ यांच्या संयुक्त विद्यमाने दोन दिवसीय धम्म प्रशिक्षण शिबिराचे आयोजन करण्यात आले आहे. या शिबिराचा पहिला दिवस अत्यंत उत्साहात, भाविक वातावरणात आणि शिस्तबद्ध पद्धतीने पार पडला.

(ads) 

कार्यक्रमाची सुरुवात महापुरुषांच्या प्रतिमेचे पूजन, दीपप्रज्वलन आणि पुष्पहार अर्पण करून झाली. या प्रसंगी प्रमुख मार्गदर्शक म्हणून नागपूरचे पूजनीय धम्मगुरू भदंत नागवंश महाथेरो उपस्थित होते. त्यांनी आपल्या ओघवत्या वाणीतून डॉ. बाबासाहेब आंबेडकरांची विचारधारा आणि धम्माचे मानवी जीवनातील महत्त्व विविध उदाहरणांद्वारे स्पष्ट केले.

"धम्म ही केवळ एक विचारधारा नसून ती जगण्याची नैतिक आणि मानवी मूल्ये जोपासणारी जीवनपद्धती आहे. आजच्या काळात स्वतःच्या अस्मितेची ओळख, व्यसनमुक्त समाज निर्मिती आणि बाबासाहेबांच्या 'प्रबुद्ध भारत' निर्मितीसाठी धम्मशिक्षण काळाची गरज आहे," असे प्रतिपादन त्यांनी केले.

(ads) 

कार्यक्रमाचे प्रास्ताविक भीम ज्योती बुद्ध विहार समितीचे अध्यक्ष आयुष्यमान संजयजी भालेराव यांनी केले. दैनंदिन जीवनात धम्माचे आचरण आणि धम्मप्रचार-प्रसार प्रभावीपणे कसा करावा, याविषयी त्यांनी मोलाचे विचार मांडले.

प्रमुख उपस्थिती व संयोजन:

या कार्यक्रमाच्या अध्यक्षस्थानी आयुष्यमान राजेंद्र अटकाळे (रावेर), उद्घाटक म्हणून राहुल डी गाढे (रावेर), तर प्रमुख उपस्थिती म्हणून चिनावलच्या लोकनियुक्त सरपंच सौ. ज्योती संजय भालेराव व नागपूरचे धम्मप्रचारक प्रा. ललितकुमार कांबळे लाभले होते.

(ads) 

शिबिराच्या यशस्वीतेसाठी विहाराचे सदस्य आयुष्यमान शेषराज भालेराव, नितीन भालेराव, किरण भालेराव, दशरथ भालेराव आणि आनंदा ठाकरे यांनी परिश्रम घेतले. तसेच सौ. सविता भालेराव, सौ. सीमा भालेराव, सौ. योगिता लोखंडे, सौ. माधुरी भालेराव, सौ. सारिका भालेराव, सौ. सोनी सपकाळे, सौ. कल्पना भालेराव, सौ. करुणा ठाकरे आणि सौ. मीना भालेराव या उपासिकांनी विशेष सहकार्य केले.

(ads) 

या शिबिराला चिनावलसह पंचक्रोशीतील धम्म उपासक आणि उपासिका मोठ्या संख्येने उपस्थित होत्या.

 (१६ ऑगस्ट) दुसऱ्या दिवशी उपस्थित राहण्याचे आवाहन:

रविवार, दिनांक १६ ऑगस्ट २०२६ रोजी या धम्म प्रशिक्षण शिबिराचा दुसरा व अंतिम दिवस असून, पंचक्रोशीतील सर्व उपासक-उपासिकांनी या धम्मकार्यात मोठ्या संख्येने सहभागी व्हावे, असे नम्र आवाहन आयोजकांच्या वतीने करण्यात आले आहे.