विवरे ता.रावेर (समाधान गाढे) रावेर तालक्यातील ग्रामपंचायत विवरे बुद्रुक येथे जागतिक आदिवासी क्रांति दिवस मोठ्या उत्साहात साजरा करण्यात आला. सरपंच युनूस तडवी यांच्या हस्ते शहीद बिरसा मुंडा यांच्या प्रतिमेला पुष्पहार अर्पण करून ग्रामपंचायत सदस्यांच्या हस्ते प्रतिमेचे पूजन करण्यात आले...या कार्यक्रमाला गावातील सामाजिक कार्यकर्ते व आदिवासी समाजबांधव उपस्थित होते.
कार्यक्रमाचे सूत्रसंचालन ग्रामसेवक कोलते यांनी केले. ग्रामपंचायत सदस्य विनोद मोरे , वासू नरवाडे, व भाग्यश्री पाटील, सामाजिक कार्यकर्ते मेहरबान तडवी यांनी आपले मनोगत व्यक्त केले. ग्रामपंचायत सदस्य विनोद मोरे आपल्या भाषणात म्हणाले की,आदिवासी समाजाला आपला इतिहास जिवंत ठेवायचा असेल तर आपण शिक्षणाला महत्त्व दिले पाहिजे आजच्या काळात शिक्षण आपल्या क्रांतीचे साधन आहे डॉ बाबासाहेब आंबेडकरांनी समाजाला शिका संघटित व्हा आणि संघर्ष करा असा संदेश आम्हाला दिला आहे हा संदेश समाजा मध्ये रुजला पाहिजे शिक्षणापासून आदिवासी समाज अजुन ही वंचित आहेत शिक्षण, आरोग्य, मजुरी नोकरी आमचे हक्क अधिकार अस्या अनेक प्रश्नांनी आदिवासी समाज ग्रासलेला आहे. शिक्षणाचे मोठ्या प्रमाणात खाजगी करण करण्यात आले आहे म्हणुन आम्हाला शिक्षण घेणे महाग होत आहे. तरीही आपण आपल्या मुलाबाळांना जि. प. शाळेत का होईना पण त्यांना शिक्षण द्या कारण इतिहास आहे की जी. प. शाळे तून सुद्धा मोठ मोठे अधिकारी घडत आहे. सामाजिक कार्यकर्ते मेहरबान तडवी यांनी आपल्या आदिवासी भाषेतून उपस्थितांचे आभार मानले..
कार्यक्रमाला यांची होती उपस्थिती
महिला काँग्रेस कमिटीच्या तालुका अध्यक्ष ग्रामपंचायत सदस्या मनीषा पाचपांडे ,पूनम बोंडे, ललिता पाचपांडे ,माजी उपसरपंच नीलिमा सनसे,उपसरपंच भाग्यश्री पाटील,ग्रामपंचायत सदस्य विपिन राणे,ग्रा.प. सदस्य दिपक राणे, ग्रा.प सदस्य वासू नरवाडे,ग्रा.प.स. विनोद मोरे,माजी उपसरपंच गाफ्फार तडवी, सामाजिक कार्यकर्ते,न्याजुद्दिन तडवी, सुपडू तडवी, शरीफ तडवी. इरफान तडवी समीर तडवी. बबलू तडवी नाबी तडवी. जुम्मा तडवी,पिंटू तडवी व इतर सर्व आदिवासी समाज बांधव उपस्थित होते.
