पुणे प्रतिनिधी (सुशिल कुवर)आदिवासी संशोधन व प्रशिक्षण संस्था पुणे याच्या आयुक्त पदी डॉ. राजेंद्र भारूड यांची नियुक्ती झाल्याबद्दल ट्रायबल फोरमचे राज्य कार्याध्यक्ष डी. बी. घोडे, सह्यादी आदिवासी विकास प्रतिष्ठाण चे अध्यक्ष कृष्णा भालचिम, जेष्ठ नागरिक संघाचे विष्णू शेळके, सुदाम मराडे, भागूजी अंभेरे यांच्या वतीने मा. आयुक्त डॉ. राजेंद्र भारुड यांचा सत्कार करण्यात आला.
मागील अनेक वर्षांपासून आदिवासी समाजात होणारी घुसखोरी ला आळा घालणे आवश्यक आहे. तसेच बोगस आदिवासी नी खोटे पुरावे सादर करून जातवैधता प्रमाणपत्र मिळवून नोकरी आणि राजकीय क्षेत्रामध्ये सवलती मिळविल्या ह्या सवलती मिळविणे म्हणजे एक प्रकारे यांनी शासनाची फसवणूक केल्यासारखेच आहे, अशी फसवणूक करणाऱ्यांची सरस चौकशी करून त्यांच्यावर गुन्हे दाखल केले पाहिजे. डाँ. राजेंद्र भारूड हे नुकतेच नंदूरबार जिल्हाधिकारी या पदावरून पुणे या ठिकाणी आले आहेत. त्यांची आदिवासी संशोधन व प्रशिक्षण संस्था च्या आयुक्त पदी नियुक्ती झाली.
डॉ. भारुड यांची टीआरटीआय च्या आयुक्त पदी नियुक्ती झाल्याबद्दल आदिवासी समाजाला मोठा आनंद व गौरव वाटत आहे. ज्या प्रकारे बोगस आदिवासी नी महाराष्ट्रात धुमाकूळ घातला असून त्याला पायबंद घालण्यासाठी डाँ. राजेंद्र भारूड यांनी पुढाकार घेतला पाहिजे अशी अपेक्षा आदिवासी समाज बांधवांना वाटत आहे या मागे आदिवासी समाजाची मोठी ताकद उभी करू अशी भूमिका डी. बी. घोडे यांनी माडली आहे.
तसेच आदिवासी समाजाबद्दलच्या अनेक महत्वाच्या गोष्टीवर चर्चा करण्यात आली. अशी माहिती सुदाम मराडे यांनी दिली.
