भादली ता.जळगाव (गोविंदा चिनावले) जळगाव तालुक्यातील भादली येथील तरूणाने राहत्या घरात गळफास घेऊन आत्महत्या केली आहे. अमिल बन्ने खान (रा. सिहोर मध्यप्रदेश ह.मु.भादली) असे मृत तरुणाचे नाव आहे. याच्या आत्महत्येमागील कारण अद्यापही कळू शकले नसून याप्रकरणी नशिराबाद पोलीस ठाण्यात अकस्मात मृत्यूची नोंद करण्यात आली आहे. [ads id="ads1"]
याबाबत असे की, मोलमजुरी करून अमिल खान कुटुंबियांचा उदरनिर्वाह करत होता. काल अमिलचे आई-वडील खासगी कामाच्या निमित्ताने मालेगाव येथे गेले होते. त्यावेळी अमिल हा घरात एकटाच होता. दरम्यान घरी एकटा असल्यामुळे राहत्या घरात दोरीने गळफास घेवून आत्महत्या केली.[ads id="ads2"]
हा प्रकार शेजारच्यांच्या लक्षात आला. आत्महत्या करण्याचे नेमके कारण कळू शकले नाही. याप्रकरणी नशिराबाद पोलीस ठाण्यात अकस्मात मृत्यूची नोंद करण्यात आली आहे.
