जळगाव - मेहरूण येथील विवाहितेने राहत्या घरात पतीसह सासरच्या छळाला कंटाळून गळफास घेवून आत्महत्या केल्याची घटना सायंकाळी ६ वाजता घडली आहे तर या धक्कादायक घटनेने संपूर्ण जिल्ह्यात खळबळ उडाली आहे.
[ads id='ads1]
कोमल चेतन ढाकणे (२४) रा .विश्वकर्मा नगर मेहरूण जळगाव असे या मयत विवाहितेचे नाव आहे. संबंधित प्रकरणी MIDC पोलीस ठाण्यात अकस्मात मृत्यूची नोंद करण्यात आली. मयत कोमल चे पती चेतन ढाकणे आणि सासू यांच्यासह राहत होत्या.
कोमल ढाकणे यांनी आज दि ९ सप्टेंबर २०२१ रोजी सायंकाळी वेळ ६ वाजेच्या सुमारास राहत्या घरात गळफास घेवून आत्महत्या केल्याची धक्कादायक घटना घडली कोमल ढाकणे यांनी फाशी घेतल्याने त्यांना दोर सोडुन खाली उतरवले आणि तात्काळ जळगाव जिल्हा शासकीय वैद्यकीय महाविद्यालयात उपचारासाठी दाखल करण्यात आले होते.
कोमल ढाकणे यांना वैद्यकीय अधिकारी यांनी मयत घोषीत केले. पतीसह सासू यांच्याकडून होणार्‍या शारिरीक व मानसिक छळाला कंटाळून कोमल हिने आत्महत्या केल्याचा आरोप कोमलचे वडील प्रविण शामराव पाटील रा. मेहरुण यांनी केला आहे. याप्रकरणी MIDC पोलिसांची कारवाई सुरु होती.
