जळगाव - महाराष्ट्र शासनाने येत्या 7 ऑक्टोबर 2021 अर्थात घटस्थापना/नवरात्रीपासून राज्यातील मंदिरे, धार्मिक स्थळे उघडण्याचा निर्णय जाहीर केला आहे. या पार्श्वभूमीवर शहरातील सार्वजनिकसह गल्लीबोळांतील मंदिरे, धार्मिक स्थळे तसेच परिसरातील रहिवाशांना आवाहन, की आपण दर्शनासाठी मंदिरे, धार्मिक स्थळांच्या ठिकाणी जाताना परिसरात अस्वच्छता असल्यास थेट ‘महापौर सेवा कक्षा’शी संपर्क साधा. या कक्षाद्वारे जळगाव शहर महानगरपालिकेतील स्वच्छता व आरोग्य विभागाच्या अधिकार्यांमार्फत स्वच्छता कर्मचार्यांकडून संबंधित परिसर तत्परतेने स्वच्छ केला जाऊन मंदिरे, धार्मिक स्थळांचे पावित्र्य राखले जाण्यास मदत होईल.[ads id='ads2]
आपण सविस्तर संवाद करण्यासाठी/माहिती देण्यासाठी ‘महापौर सेवा कक्ष’ हेल्पलाईन क्र. 95 90 269 269 यावर सकाळी 9 ते दुपारी 1 व दुपारी 2:30 ते सायं. 5 या वेळेत (शासकीय सुटी वगळता) कॉल करून आपली समस्या/तक्रार नोंदवा. *‘महापौर सेवा कक्ष’* आपल्या समस्या/तक्रारींचा पाठपुरावा करण्यासाठी तत्पर आहे. धन्यवाद![ads id='ads1]
मंदिरे, धार्मिक स्थळांच्या ठिकाणी जाताना भक्तांनी घ्यावयाची काळजी
मंदिरे व धार्मिक स्थळांच्या ठिकाणी प्रत्येक दोन भक्तांमध्ये 6 फुटांचे अंतर राखणे गरजेचे, मास्कचा वापर बंधनकारक, सॅनिटायझरचे वापर करणे, शिंकताना किंवा खोकताना नाक आणि तोंड झाकणे आवश्यक, प्रार्थनेस बसताना भक्तांनी आपापली स्वतंत्र चटई आणावी, परिसरात थुंकण्यास मनाई.
मंदिरे, धार्मिक स्थळांच्या व्यवस्थापनाने घ्यावयाची काळजी
प्रवेशद्वारावर सॅनिटायझर ठेवणे बंधनकारक, थुंकताना आढळल्यास दंड आकारणी करणे, लक्षणे न दिसणार्याला व्यक्तीलाच मंदिर आवारात प्रवेश दिला जावा, कोविड-19 ची माहिती देणारे पोस्टर्स लावणे बंधनकारक, गर्दीचे नियोजन करावे, पार्किंगची योग्य व्यवस्था आणि नियोजन करावे, मंदिरे किंवा धार्मिक स्थळाबाहेर असलेली दुकाने, स्टॉल्सवर कोरोना प्रतिबंधाचे सर्व नियम पाळले जावेत, रांगेत उभे राहताना सोशल डिस्टन्सिंगचे पालन करण्यासाठी योग्य मार्किंग करावे, पुतळे, मूर्ती, पवित्र पुस्तकांना स्पर्श करण्यावर बंदी, प्रसाद, पवित्र पाणी अशा गोष्टींना मंदिर, धार्मिक स्थळांमध्ये परवानगी नसेल, मंदिरे, धार्मिक स्थळे वारंवार स्वच्छ केली जावीत.
