पुणे (महाराष्ट्र): प्रख्यात इतिहासकार आणि पद्मविभूषण पुरस्कार विजेते बळवंत मोरेश्वर पुरंदरे यांचे सोमवारी पुण्यातील रुग्णालयात निधन झाले. ते 99 वर्षांचे होते. बाबासाहेब पुरंदरे या नावाने प्रसिद्ध असलेले इतिहासकार काही दिवसांपासून आजारी होते. त्यांच्या मृत्यूची माहिती डॉक्टरांनी दिली.
[ads id="ads2"]
डॉक्टरांनी सांगितले की, पुरंदरे यांना न्यूमोनिया झाला असून त्यांना तीन दिवसांपूर्वी शहरातील दीनानाथ मंगेशकर रुग्णालयात दाखल करण्यात आले होते. रविवारी त्यांची प्रकृती खालावल्याने त्यांना रुग्णालयाच्या अतिदक्षता विभागात व्हेंटिलेटरवर ठेवण्यात आले होते आणि तेव्हापासून त्यांची प्रकृती चिंताजनक होती.
[ads id="ads1"]
पुरंदरे यांची बहुतेक कामे मराठा योद्धा छत्रपती शिवाजी महाराज यांच्या जीवनाशी संबंधित आहेत. सोमवारी पहाटे ५ वाजण्याच्या सुमारास पुरंदरे यांनी अखेरचा श्वास घेतला, असे रुग्णालयाकडून प्रसिद्ध करण्यात आलेल्या निवेदनात म्हटले आहे.
शिवशाहीर म्हणून ओळखले जाणारे पुरंदरे यांनी छत्रपती शिवाजी महाराजांच्या जीवनावर केंद्रित अनेक पुस्तके लिहिली. दोन भागांत लिहिलेले त्यांचे 900 पानांचे मराठी पुस्तक राजा शिवछत्रपती हे प्रथम 1950 च्या उत्तरार्धात प्रकाशित झाले होते आणि तेव्हापासून ते अनेक वेळा प्रकाशित झाले आहे. पुरंदरे यांनी 1980 च्या मध्यात 'जाणता राजा' या नावाने शिवाजी महाराजांच्या जीवनावर आधारित नाटक लिहिले आणि दिग्दर्शित केले.
या वर्षाच्या सुरुवातीला अनेक नेत्यांनी पुरंदरे यांना वाढदिवसाच्या शुभेच्छा दिल्या होत्या. पंतप्रधान नरेंद्र मोदी यांनी व्हिडीओ संदेशात मध्यम पुरंदरे यांचे अभिनंदन केले होते, ते म्हणाले होते की, ''बाबासाहेबांचे कार्य प्रेरणादायी आहे. छत्रपती शिवाजी महाराजांच्या जीवनावर आधारित बाबासाहेबांचे 'जाणता राजा' हे नाटक पाहण्यासाठी मी पुण्याला गेलो होतो. बाबासाहेब अहमदाबादला जायचे तेव्हा मी त्यांच्या कार्यक्रमाला जायचो.
29 जुलै 1922 रोजी जन्मलेल्या पुरंदरे यांना 2019 मध्ये भारताचा दुसरा सर्वोच्च नागरी पुरस्कार पद्मविभूषणने सन्मानित करण्यात आले. त्यांना 2015 मध्ये महाराष्ट्र भूषण पुरस्कार देण्यात आला होता.
