महाराष्ट्र शासन कृषि विभागामार्फत आयोजित फळ प्रक्रिया प्रशिक्षण कार्यक्रमात महिला बचत गटांनी नोदविला सहभाग
जळगाव प्रतिनिधी (गोविंदा चिनावले) राज्यस्तरीय सामूहिक फळप्रक्रिया व संस्करण प्रशिक्षण केंद्र औरंगाबाद व जिल्हा अधिक्षक कृषि अधिकारी, जळगाव यांच्या संयुक्त विद्यमाने आयोजित फळ प्रक्रिया प्रशिक्षण वर्ग मौजे : भादली बू. येथे आयोजित करण्यात आले होते.[ads id="ads2"]
सदरील प्रशिक्षण वर्गास औरंगाबाद येथील राज्यस्तरीय सामूहिक फळ प्रक्रिया व संस्करण प्रशिक्षण केंद्राचे अधिकारी मनिषा कारले मॅडम, साळुंखे मॅडम व यादव सर यांनी उपस्थित महिला बचत गटाच्या सदस्यांना जॅम, टोमॅटो केचप, जेली, विविध प्रकारचे लोणचे, सरबत चे प्रात्यक्षिक करून आवश्यक असलेल्या साहित्य,प्रिझर्वेटिव्ह याबाबत तांत्रिक माहिती दिली.[ads id="ads1"]
सदरील कार्यक्रमाच्या सुरुवातीस संविधान दिनानिमित्त भारतरत्न डॉ.बाबासाहेब आंबेडकर यांच्या प्रतिमेचे पूजन करून संविधानाची शपथ घेण्यात आली. सदरील प्रशिक्षण वर्गाचे उद्घाटन पंचायत समिती सदस्य सौ. जागृतीताई मिलिंद चौधरी यांच्या हस्ते करण्यात आले.
या वेळी सौ.राधिका ढाके (पोलिस पाटील, भादली बू.)
श्री. किरण रडे (चेअरमन विविध कार्यकारी सहकारी संस्था भादली बु.), श्री.श्रीकांत झांबरे (तालुका कृषी अधिकारी जळगाव), श्री.एम.जी.जंगले (मंडळ कृषी अधिकारी जळगाव) कृषि विभागातील अधिकारी कर्मचारी व महिला बचत गटाच्या सदस्य उपस्थित होते.
