भुसावळ प्रतिनिधी(समाधान गाढे) यावल तालुक्यातील (हिंगोना) शिवारातील जियाकल हक इबादत अली यांच्या शेतात २५ जुलै २०१७ रोजी झालेल्या दुहेरी हत्याकांडातील संशयित आरोपीची भुसावळ अतिरिक्त सत्र न्यायालयाने निर्दोष मुक्तता केली आहे. १० साक्षीदारांची तपासणी झाली. सबळ पुराव्याअभावी गुन्ह्यातील आरोपीला निर्दोष मुक्त करण्यात आले.[ads id="ads1"]
हिंगोणा येथे २५ जुलै २०१७ रोजी ७ वाजेच्या सुमारास जियाऊल हक इबादत अली यांचे शेतामध्ये मंगला दुर्गेश बारेला, दुर्गेश बारेला यांच्यावर एका अज्ञात आरोपीने हल्ला केला होता. त्यामध्ये मंगला बारेला व चार ते पाच दिवसानंतर दुर्गेश बारेला याचा उपचारादरम्यान मृत्यु झाला होता. या प्रकरणी अज्ञात आरोपींवर गुन्हा दाखल झाला होता. गुन्ह्याच्या तपासात आरोपी गुरुलाल पांगा बारेला याचे नाव निष्पन्न झाले होते.[ads id="ads2"]
या आरोपीला अटक होऊन चार्जशीट दाखल झाले . आरोपी अद्यापही कारागृहात आहे. भुसावळ कामकाजात एकूण १० साक्षीदार तपासले गेले. आरोपीवर सरकार पक्षातर्फे युक्तीवाद केल्यानंतर सत्र न्यायालयाने सबळ पुराव्याअभावी आरोपी गुरुलाल पांगा बारेला याची निर्दोष मुक्तता केली. आरोपी तर्फे अँड. प्रफुल्ल आर पाटील यांनी काम पाहिले. अँड.संजीव वानखेडे, अँड. जया अँड. दुर्गेश लहासे यांनी सहकार्य केले.
