रावेर शहरात रोडरोमिओ, विनाकारण फिरणाऱ्यांवर पोलिसांची कारवाई

  रावेर (सुवर्ण दिप वृत्तसेवा)  विनाकारण दुचाकीवरून (Two Wheeler)  फिरणाऱ्या रोडरोमिओंविरुद्ध १५ दिवसांपूर्वी सुरू केलेली कारवाईची मोहीम पोलिसांनी अधिक तीव्र केली आहे. यामुळे विद्यार्थिनी तसेच कामानिमित्त बाजारात येणाऱ्या मुलींची छेड काढणाऱ्यांवर अंकुश बसला आहे. [ads id="ads1"] 

  विनाकारण फिरणाऱ्या युवकांवर पोलिसांनी कारवाईचा दंडुका उगारला आहे. तर रात्री 'ड्रंक अँड ड्राइव्ह' करणाऱ्यांवरही उशिरापर्यंत कारवाई करण्यात येणार आहे. १५ दिवसांपूर्वी रावेर पोलिस निरीक्षक कैलास नागरे  (Raver PI Kailas Nagare) यांनी कारवाईची मोहीम सुरू केली होती. पोलिसांच्या या कारवाईचे सुज्ञ नागरिकांनी स्वागत केले आहे.[ads id="ads2"] 

रावेर शहरातील (Raver City) शाळा व महाविद्यालयीन मुलींची काही शाळाबाह्य युवक छेडखानी करत असल्याबाबत रावेर पोलिस निरीक्षक नागरे (Raver PI Kailas Nagare) यांच्याकडे तक्रारी प्राप्त झाल्या होत्या. त्यामुळे त्यांनी १५ दिवसांपूर्वी शहरात विनाकारण दुचाकीवरून फिरणाऱ्या कर्कश हॉर्न वाजवणे ट्रिपल सीट फिरणे, वेडीवाकडी तसेच भरधाव वेगाने गाडी चालवणे, ड्रायव्हिंग लायसन्स नसणे, मास्क न लावणे अशा विविध कारणांवरून युवकांवर कारवाईचा बडगा उगारला आहे. अशा रोडरोमिओविरोधात पोलिसांनी कारवाईची मोहीम हाती घेतली. ती डॉ. बाबासाहेब आंबेडकर चौक ते पोलिस ठाण्याच्या रस्त्यावर राबवण्यात येत आहे.

कोणाचीही गय नाही, सर्वांनी नियमांचे पालन करावे -- कैलास नागरे, पोलिस निरीक्षक, रावेर,

शहरात दुचाकीवरून विनाकारण फिरून दहशत माजवणाऱ्या युवकांना प्रतिबंध करण्यासाठी कारवाईची मोहीम सुरू केली आहे. यासाठी स्वतंत्र पथकाची नियुक्ती केली आहे. शांतता बिघडवण्याचा प्रयत्न करणाऱ्यांची गय केली जाणार नाही, सवांनी नियमांचे पालन करावे.