रावेर प्रतिनिधी (विजय अवसरमल) जळगाव जिल्ह्यातील (Jalgaon District) रावेर तालुक्यातील निंभोरा तांदलवाडी जिल्हा परिषद गटातील मागील पाच वर्षांतील खर्च केलेल्या सेंस फंड, इतर सर्व व ई टेंडरींग (E Tendering)कामांची चौकशी करण्यासाठी मुख्य कार्यकारी अधिकारी यांचेकडे दि.०६/०१/२०२१ रोजी प्रकल्प संचालक जिल्हा ग्रामीण यंत्रणा यांचे अध्यक्षतेखाली चार सदस्यीय समिती गठीत करून एक महिन्यात चौकशी करण्याचे आदेश असतांना मुळातच सदर चौकशी समितीने तीन महिन्यांनी कामाला सुरुवात करून दिनांक २१/१२/ २०२१ रोजी पंचायत समिती रावेर येथे येऊन चौकशी केलेली आहे. परंतु जवळजवळ एक महिने होवुन देखील चौकशी अहवाल प्रसिध्द होत नाही. ०६/०९/२०२१ रोजी गठीत केलेल्या समितीने एक महीन्यात अहवाल सादर करण्याचे आदेश पारित केला होता.[ads id="ads2"]
मात्र सदर समिती गठीत होऊन आज जवळपास पाच महीन्याचा कालावधी पूर्ण होत आहे. तरीही या पाच महिन्यांत अहवाल प्रसिद्ध होत नाही. म्हणजेच आपले जि. प. प्रशासन माजी जि.प. उपाध्यक्ष व निंभोरा तांदलवाडी जि.प. गटाचे जि.प. सदस्य यांचे दबावाला बळी पडत आहे कि काय? चौकशी समिती भ्रष्ट अधिकाऱ्या ला पाठीशी घालत आहे का ? एक महीन्याची चौकशी पाच महिन्यांत पूर्ण होत नाही याचे कारण काय असावे ? असे अनेक प्रश्न उपस्थित होत आहेत.
यामुळे जिल्हा परिषद प्रशासन माजी जि.प. सदस्य नंदकिशोर महाजन यांच्या दबावाखाली काम करीत आहे का ? असा प्रश्न निर्माण झाला आहे. याकडे प्रकल्प संचालक समितीचे अध्यक्ष यांनी त्वरीत लक्ष दयावे. जि.प. प्रशासन नंदकिशोर महाजन यांच्या दबावाला बळी पडत असल्याचा आरोपही प्रदीप सपकाळे यांनी केला आहे लवकरात लवकर अहवाल द्या अन्यथा रावेर पंचायत समिती समोर तिव्र आंदोलन आमरण उपोषणाचा इशारा बहुजन समाज पार्टी चे माजी जिल्हा उपाध्यक्ष प्रदीप सपकाळे यांनी दिला आहे.
हेही वाचा :- अरे बापरे !!! अवघ्या ५० रुपयासाठी गेला एकाचा जीव ; जळगाव जिल्ह्यातील घटना
