धुळे (सुवर्ण दिप वृत्तसेवा) : वाद झाल्‍याने घरात कोणी नसताना नऊ महिन्यांच्या चिमुकल्या बाळाला स्वतः जन्मदात्या आईनेच फाशी देत स्वतः आईने देखील गळफास घेऊन आत्महत्या केल्याची धक्कादायक घटना धुळे (Dhule) तालुक्यातील वणी बुद्रुक (Vani Bk) या गावात घडली आहे. यामुळे परिसरात खळबळ उडाली आहे.[ads id="ads1"]
धुळे तालुक्यातील वनी बु. या गावामध्ये सोनल सुधाकर माळी (वय 23) व हर्षल सुधाकर माळी (वय ९ महिने) अशी मयत माय-लेकाची नावे आहेत. घरगुती वादातून या मातेने आपल्या चिमुकल्या बाळाला संपवून स्वतः देखील या जगाचा निरोप घेतला.[ads id="ads2"]
दोन वर्षांपुर्वीच झाला विवाह
दोन वर्षांपूर्वी सोनलचा विवाह झाला होता. त्यांना नऊ महिन्यांच बाळ असताना घरगुती वादातून सोनल हिने हे टोकाचे पाऊल उचलले असल्याचा प्राथमिक अंदाज व्यक्त करण्यात आला आहे. दुपारी घरी कोणी नसताना सोनलने हे टोकाचे पाऊल उचलले असल्याची माहिती समोर आली आहे.
दरम्यान यासंदर्भात धुळे तालुका पोलीस (Dhule Taluka Police Station) ठाण्यात अकस्मात मृत्यूची नोंद करण्यात आली असून पुढील तपास धुळे तालुका पोलीस करीत आहेत. या घटनेमुळे संपूर्ण जिल्ह्यामध्ये हळहळ व्यक्त केली जात आहे.
