रावेर प्रतिनिधी ( विजय एस अवसरमल)
रावेर तालुक्यातील निंभोरा तांदलवाडी जिल्हा परिषद गटातील पाच वर्षांत झालेल्या सर्वच कामाच्या ई-टेंडर प्रक्रिया सहीत चौकशी अहवाल देणे कामी दि.२६/०७/२०२१ रोजी विविध दलित व आदिवासी संघटना मिळून पंचायत समिती रावेर येथे भव्य मोर्चा काढून व १५ आगस्ट २०२१ रोजी जि.प. जळगाव येथे आमरण उपोषण करुन चौकशी ची मागणी केली होती.[ads id="ads1"]
त्या अनुषंगाने ०६/०९/२०२१ रोजी मुख्य कार्यकारी अधिकारी जळगाव यांनी मा.प्रकल्प संचालक सो. जिल्हा ग्रामीण यंत्रणा जळगाव यांच्या अध्यक्षतेखाली चार सदस्यीय चौकशी समिती गठीत करुन एक महीण्याच्या आत निंभोरा तांदलवाडी जि.प. गटाच्या पाच वर्षांत झालेल्या सर्वच कामाच्या ई-टेंडर प्रक्रिया सहीत चौकशी करून एक महीण्याच्या आत सुस्पष्ट व स्वयंसह अहवाल सादर करण्याचे लेखी आदेश पारित केले होते मात्र आज पावेतो मागील सात महीन्या पासून सदर कामाचा अहवाल सादर केलेला नाही.[ads id="ads2"]
त्यामुळे सदर चौकशी समितीला व मुख्य कार्यकारी अधिकारी जि.प. जळगाव यांना तक्रार कर्त्या ने वारंवार स्मरणपत्र व आंदोलनाचे इशारे देऊन सुद्धा जि.प.प्रशासन जाणिव पूर्वक या जि.प.गटाचे मा.जि.प.सदस्य नंदकिशोर महाजन यांच्या राजकीय दबावाला बळी पडल्याने व जि.प.मधील काही दोषी अधिकाऱ्यांना पाठीशी घालत असल्याने तक्रार कर्त्या च्या मागणी कडे दुर्लक्ष करीत असल्याने आज दिनांक ०४/०४/२०२२ रोजी पासून बहुजन समाज पार्टीचे माजी जिल्हा उपाध्यक्ष प्रदीप सपकाळे व आदिवासी तडवी भिल्ल एकता मंच च्या बबिता तडवी हे पंचायत समिती रावेर येथे आमरण उपोषणाला बसले आहेत या आमरण उपोषणाला रावेर तालुका बसपा, आदिवासी तडवी भिल्ल एकता मंच रावेर, तालुका जाती जमाती काँग्रेस, राष्ट्रवादी मागासवर्गीय सेल लोकसंघर्ष मोर्चा, प्रहार जनशक्ती पक्ष यांनी पाठिंबा दिला आहे
