अॅपे कलंडल्याने अपघात
बोरावल बुद्रुक, ता.यावल येथील रहिवासी विनोद विकास सपकाळे (35) हा तरुण अॅपे (क्रमांक एम.एच. 19 व्ही.1463) घेऊन शुक्रवारी दीड वाजेच्या सुमारास यावल शहरात येत असताना बोरावल बुद्रुक गावाबाहेर सुमारे अर्धा किमी अंतरावर कैलास धनगर यांच्या शेताजवळ अॅपेला अपघात घडला व अॅपे रस्त्याच्या बाजूला कलंडली. या अपघातात विनोद यांचा जागीच मृत्यू झाला. [ads id="ads2"]
अपघाताची माहिती पोलिस पाटील किरण पाटील यांनी तातडीने यावल पोलिसांना दिली. घटनास्थळी सहाय्यक पोलिस निरीक्षक अजमल खान पठाण हे पथकासह दाखल झाले व त्यांनी मयत विनोद सपकाळे यांचा मृतदेह यावल ग्रामीण रुग्णालयात हलवला. डॉ.शुभम तिडके यांनी शवविच्छेदन करीत मृतदेह नातेवाईकांना सोपवला. या प्रकरणी पोलिसांनी अपघाताचा गुन्हा दाखल केला. विनोद सपकाळे यांच्या पश्चात पत्नी, दोन मुले असा परीवार आहे.
