धरणगाव प्रतिनिधी (पी.डी.पाटील सर) : ई पॉस मशीनवर धान्य वितरणामध्ये येत असलेल्या तांत्रिक अडचणी लक्षात घेता व 31 मार्चपर्यंत समस्या सोडवण्यात न आल्याने शुक्रवार , 1 एप्रिल रोजी स्वस्त धान्य दुकानदार संघटनेचे वतीने तहसीलदारांकडे इ पॉस मशीन जमा करण्यात आल्या.[ads id="ads1"]
यावेळी राजेंद्र ओस्तवाल यांनी तहसीलदारांकडे ई पॉस मशीन संदर्भात येत असलेल्या अडचणींचा पाढा वाचून दाखवला. सर्वर डाऊन,नेट न चालणे अशा असंख्य अडचणी येत होत्या.ई पॉश मशीनमुळे धान्य वितरणामध्ये अनियमितता येत होती.[ads id="ads2"]
अडचणी दूर करण्यासाठी प्रशासनाला 31 मार्चपर्यंत अल्टीमेटम संघटनेने दिला होता.अडचणी दूर न झाल्याने 1 रोजी शुक्रवारी स्वस्त धान्य दुकानदार संघटनेचे तालुकाध्यक्ष आर.डी.पाटील यांचे उपस्थितीत जवळपास १०० स्वस्त धान्य दुकानदारांनी आपले ई पॉस मशीन नितीनकुमार देवर धरणगाव तहसीलदार यांचाकडे जमा केल्या यावेळी मोठ्या संख्येने स्वस्त धान्य दुकानदार उपस्थित होते
