ऐनपूर महाविद्यालयात आंतरराष्ट्रीय योग दिन साजरा

 

ऐनपूर परिसर शिक्षण प्रसारक मंडळ संचलित सरदार वल्लभभाई पटेल कला व विज्ञान महाविद्यालयात २१ जुन २०२२ हा दिवस आंतरराष्ट्रीय योग दिवस साजरा करण्यात आला. कार्यक्रमाच्या अध्यक्षस्थानी महाविद्यालयाचे प्राचार्य डॉ. जे. बी. अंजने उपस्थित होते. प्रमुख मार्गदर्शक म्हणून महाविद्यालयातील प्रा. डॉ. के. जी. कोल्हे उपस्थित होते. [ads id="ads2"]  

  व्यायामाचे, योगाचे आपल्या आयुष्यात खूपच महत्त्व आहे. रोज योग केल्याने ताणतणावपासून दूर राहतो. इतकंच नाही तर माणसाचे वजन, हाडं, मांसपेशी आणि सांधेदेखील दणकट राहातात. योगामुळे शरीरामध्ये ऊर्जा निर्माण होते असे डॉ. कोल्हे यांनी सांगितले. योग साधनेने असाध्य रोगांपासून आपल्यला मुक्ती मिळू शकते. माणसाला जीवनात सुखी व निरोगी जीवन जगण्यासाठी योगाचे विशेष महत्व आहे. योगासने केल्याने विविध आजारांपासून मुक्तता मिळू शकते असेही त्यांनी सांगितले. [ads id="ads1"]  

  महाविद्यालयाचे प्राचार्य डॉ. जे. बी. अंजने यांनी अध्यक्षीय भाषणात माणसाने योगसाधनेची मार्गदर्शक तत्वे आचरणात आणल्यास मनाच्या उत्तम प्रतीचे शुद्धीकरण प्राप्त होते असे सांगितले. सदर कार्यक्रमाचे सूत्रसंचालन डॉ. जयंत नेहेते तर आभारप्रदर्शन डॉ. दिपक पाटील यांनी केले. सदर कार्यक्रमा नंतर योग प्रशिक्षक प्रा. डॉ. के. जी. कोल्हे यांनी उपस्थित प्राध्यापक, शिक्षकेतर कर्मचारी व विद्यार्थी यांच्याकडून विविध प्रकारचे योगासने करवून घेतली. कार्यक्रम यशस्वितेसाठी सर्व प्राध्यापक वृंद व शिक्षकेतर कर्मचारी यांनी परिश्रम घेतले.