ऐनपुर प्रतिनिधी:- विजय एस अवसरमल
सरदार वल्लभभाई पटेल कला व विज्ञान महाविद्यालय ऐनपूर येथे आज संविधान दिनानिमित्त व्याख्यानाचे आयोजन करण्यात आले होते. या कार्यक्रमाच्या अध्यक्षपदी प्राणीशास्त्र विषयाचे विभाग प्रमुख प्रा. डॉ. पी. आर. महाजन होते तर प्रमुख वक्ते म्हणून राज्यशास्त्र विषयाचे प्रा.एस. पी. उमरीवाड हे होते. [ads id="ads1"]
कार्यक्रमाच्या सुरुवातीला भारतरत्न डॉ. बाबासाहेब आंबेडकर आणि लोहपुरुष सरदार वल्लभभाई पटेल यांच्या प्रतिमेचे पूजन करण्यात आले. प्रमुख वक्ते प्रा. एस. पी. उमरीवाड यांनी आपल्या व्याख्यानात संविधान निर्मितीची पार्श्वभूमी सांगून संविधानाचे महत्व सांगितले आणि भारतीय राज्यघटनेचे शिल्पकार डॉ. बाबासाहेब आंबेडकर यांचे संविधान सभेतील मसुदा समितीचे अध्यक्ष म्हणून केलेल्या कार्याचे महत्त्व सांगितले. तसेच राज्यघटनेच्या अंमलबजावणीसाठी डॉ. बाबासाहेब आंबेडकर यांना प्रामाणिक माणसांची आवश्यकता असून पुढील पिढ्यांच्या हाती संविधान सोपवितांना ज्ञानीवंत समाज निर्माण होईल, भारत हा कायद्याच्या अधिराज्याचे पालन करील असा डाॅ. बाबासाहेब आंबेडकर यांचा आत्मविश्वास होता. [ads id="ads2"]
असे विचार विद्यार्थ्यांना समजावून सांगितले. तसेच प्रा.प्रदिप तायडे यांनी भारतीय राज्यघटनेच्या उद्देशपत्रिकेचे सामुहिक वाचन करवून घेतले. कार्यक्रमाचे अध्यक्ष प्रा.डॉ.पी.आर.महाजन यांनी अध्यक्षीय मनोगतातून संविधानामुळे आपली ओळख निर्माण झाली आहे असे विचार व्यक्त केले. महाविद्यालयाचे प्राचार्य डॉ.जे.बी.अंजने यांच्या मार्गदर्शनाखाली कार्यक्रमाचे आयोजन करण्यात आले होते.
या कार्यक्रमाला प्रमुख उपस्थिती प्रा.डॉ.रेखा पाटील, प्रा.डॉ.व्ही.एन.रामटेके, प्रा.डॉ.पी.आर.गवळी, प्रा.डॉ.संदीप सांळुके, प्रा.नरेंद्र मुळे, प्रा. ज्ञानेश्वर कोळी आणि शिक्षकेत्तर कर्मचारी व १२० विद्यार्थी या कार्यक्रमाला उपस्थित होते.कार्यक्रमाचे आयोजन व सूत्रसंचालान प्रा.डॉ.डी.बी.पाटील यांनी तर आभार प्रा.प्रदीप तायडे यांनी मानले. भारतीय राज्यघटनेच्या जयघोषाने कार्यक्रम यशस्वीरीत्या संपन्न झाला.
