सविस्तर वृत्त असे की पिंप्राळा ( Pimprala) येथील रहिवासी असलेले वसंत तुकाराम भंगाळे वय-७४ यांच्या पत्नी मयत झाल्यावर मेहरूण शिवारातील सर्व्हे क्रमांक २१/१ब मधील १००८.३३ चौ. फूट मालमत्तेत बांधलेले घर त्यांच्या नावे झाले होते. १६ जुलै २०१० ते २२ जुलै २०२२ पावेतो मोहम्मद इरफान मोहम्मद तांबोळी रा.मेहरूण याने इतरांना सोबत घेत परस्पर मिळकतीवर कब्जा केला आणि त्याची विक्री केली होती. [ads id="ads2"]
वसंत भंगाळे यांनी याप्रकरणी फसवणूक झाल्याची फिर्याद जळगाव शहर पोलीस ठाण्यात (Jalgaon City Police Station) दिली आहे. फिर्यादीनुसार मोहम्मद इरफान मोहम्मद तांबोळी रा.मेहरूण, मो. इद्रिस मो. खलील रा.कानळदा, अशोक माळी, रमेश पाटील, जगदीश पाटील, दि.२२ जुलै २०२२ रोजी कार्यरत असलेले सहाय्यक दुय्यम निबंधक व त्यांचे कार्यालयीन कर्मचारी, जळगाव शहर मंडळ अधिकारी राजेश शंकर भंगाळे, मेहरूण तलाठी(Mehrun Talathi) राजू बाऱ्हे यांच्याविरुद्ध गुन्हा दाखल करण्यात आला आहे. तपास पोलीस हवालदार रविंद्र सोनार करीत आहेत.
