अवैध गौण खनिज वाहतूक करणारे वाहन क्र.नसलेले डंपर पकडले यावल महसूल विभागाने

यावल (सुरेश पाटील)शनिवार दि. 7 रोजी भालोद मंडळ अधिकारी मिलिंद देवरे,यावल मंडळ अधिकारी शेखर तडवी,फैजपुर मंडळ अधिकारी एम.एच.तडवी यांनी अवैध गौण खनीज वाहतूक करणारे वाहन क्रमांक नसलेले एक डम्पर कोरपावली जवळ पकडून यावल तहसील ऑफिस आवारात जमा केले.यामुळे अवैध गौण खनिज वाहतूक करणारे आणि गौण खनिज वाहतूक करणाऱ्या वाहनांवर वाहन क्रमांक न टाकणाऱ्या चालक मालकांवर आता पुढील कडक कारवाई होणार असल्याने मोठी खळबळ उडाली आहे. [ads id="ads1"]  

       यावल तहसीलदार महेश पवार यांच्या मार्गदर्शनाखाली अवैध गौण खनिज वाहतूक करणाऱ्या वाहनांना पकडण्यासाठी यावल, भालोद,फैजपूर मंडळ अधिकारी यांच्यासह डोंगर कठोरे, यावल,अट्रावल,भालोद,परसाडे, अंजाळे येथील तलाठी यांच्या पथकाने दि.7 रोजी सकाळी 3:30 वाजता तालुक्यातील कोरपावली गावाजवळ अवैध गौण खनिज वाहतूक करणारे तसेच वाहनावर क्रमांक नसलेले डंपर पकडून पुढील कार्यवाहीसाठी यावल तहसील आवारात जमा केले आहे. [ads id="ads2"]  

        यावल तालुक्यात अवैध गौण खनिज वाहतूक करणारे डंपर व ट्रॅक्टर इत्यादी सह इतर अनेक वाहने बिना क्रमांकाची व वाहतुकीचे सर्व नियम तोडून आणि कालबाह्य झालेली वाहने सर्रासपणे रस्त्यावर धावत आहे यांच्यावर आरटीओ आणि वाहतूक पोलिसांनी सतत गस्तीपथक नियुक्त करून कडक कारवाई करावी असे तालुक्यात सर्व स्तरात बोलले जात आहे.