रावेर (सुवर्ण दिप वृत्तसेवा) : रावेर तालुक्यातील उदळी (Udali Taluka Raver) येथील शेतकरी तरुणाला शेअर मार्केटमध्ये गुंतवणूक करुन नफा मिळवून देण्याच्या आमिष देत तरुणाची ९ लाख ३० हजार रुपयांत ऑनलाईन गंडा घालण्यात आला. याप्रकरणी जळगाव सायबर पोलीस ठाण्यात (Cyber Police Station) गुन्हा दाखल करण्यात आला.[ads id="ads1"]
अनोळखी विरोधात गुन्हा दाखल
रावेर तालुक्यातील उदळी (Udali Taluka Raver)येथे भूषण दत्तात्रय बऱ्हाटे (वय -३९) हा तरुण वास्तव्यास आहे. १४ डिसेंबर २०२२ ते १ एप्रिल २०२३ दरम्यान अजय व निखिल या दोन नावाच्या वेगवेगळ्या व्यक्तींनी वेगवेगळया मोबाईल क्रमांकावरुन भूषण बऱ्हाटे यास वेळावेळी फोन केला.तसेच orion fx robo या या कंपनीमार्फत शेअर मार्केटमध्ये गुंतवणूक केल्यास मोठा प्रमाणात नफा मिळेल, अशी बतावणी फोनवर बोलणाऱ्या दोघांनी भूषण यास केली. [ads id="ads2"]
तसेच त्याचा विश्वास संपादन करत orion fx robo या नावाचे अॅप्लीकेशन भूषण यास डाऊनलोड करण्यास सांगितले. त्यानंतर शेअर खरेदी करण्यासाठी भूषण याच्याकडून वेळावेळी एकूण ९ लाख ३० हजार रुपये ऑनलाईन स्विकारले. मात्र त्या बदल्यात भूषण यास नफाही मिळाला नाही व मुद्दल रक्कम संबंधितांनी परत केली नाही, आपली फसवणूक झाल्याची खात्री झाल्यावर दोन दिवसानंतर भूषण बऱ्हाटे याने याबाबत सायबर पोलीस ठाण्यात (Cyber Police Station) तक्रार दिली, या तक्रारीवरुन फोन बोलणाऱ्या दोन अनोळखी व्यक्तीविरोधात जळगाव सायबर पोलीस ठाण्यात गुन्हा दाखल झाला आहे. तपास पोलीस निरीक्षक अशोक उतेकर हे करीत आहेत.
