साक्री (अकील सादिक शहा) निजामपूर पासून अवघ्या सात ते आठ किलोमीटर असलेल्या चिपलीपाडा फाटा येथे मेणबत्ती बनवण्याच्या कारखान्याला भीषण आग लागली आगीत होरपळून चार जणांचा मृत्यू तर दोन जण गंभीर जखमी झाल्याची प्राथमिक माहिती प्राप्त झाली आहे ,धुळे जिल्ह्यातील साक्री तालुक्यात असलेल्या निजामपूर गावाजवळ असलेल्या चिपलीपाडा शिवार येथे एका मेणबत्ती बनवण्याच्या कारखान्याला लागलेल्या भीषण आगीत चार महिलांचा दुर्दैवी मृत्यू झाला आहे.तर दोन महिला गंभीररित्या भाजल्या आहेत. वाढदिवसानिमित्त वापरले जाणारी आकर्षक मेणबत्ती या कारखान्यामध्ये बनवली जात होती. [ads id="ads1"]
यादरम्यान दुपारी दोन वाजेच्या सुमारास शॉर्ट सर्किटमुळे ही भयानक आग लागली आणि या आगीत होरपळून या ४ महिलांचा मृत्यू झाल्याची प्राथमिक माहिती समोर आली आहे. मयत मजूर हे जैताने येथील राहणारे असल्याचे समजते. मयतांमध्ये आशाबाई भैया भागवत (वय ३५) आणि राजश्री भैया भागवत (वय १५), नयना संजय माळी, सिंधुबाई धुडकू राजपूत या चोघांचा समावेश असल्याचे बोलले जात आहे. चौकशीतच आगीच नेमकं कारण समोर येणार असल्याच पोलीस अधीक्षक संजय बारकुंड यांनी सांगितल आहे. [ads id="ads1"]
याप्रकरणी निजामपूर पोलिसांनी एका संशयिताला ताब्यात घेतले असून, बाकीच्या जखमींना नंदुरबार येथील जिल्हा रुग्णालयात उपचारासाठी दाखल करण्यात आले आहे. या मयत महिलांमध्ये एक अल्पवयीन मुलीचाही समावेश असल्याचे बोलले जात आहे. ही आग नेमकी कशी लागली याचा तपास आता पोलिस वेगाने करीत आहे.
