यावल (सुरेश पाटील) सार्वजनिक बांधकाम विभागामार्फत यावल शहरात नगरपालिका कार्यक्षेत्रात विविध योजनेअंतर्गत सुरू असलेल्या रस्ते व इतर कामांची चौकशी करावी अशा मागणीचे निवेदन उद्धव ठाकरे शिवसेना गटाचे उप जिल्हाप्रमुख गोपाळ चौधरी यांच्यासह तालुका व शहरातील पदाधिकारी कार्यकर्त्यांनी यावल येथील सार्वजनिक बांधकाम उपविभाग यावल शाखा अभियंता निंबाळकर यांच्याकडे निवेदन दिले.[ads id="ads1"]
दिलेल्या निवेदनात म्हटले आहे की यावल शहरात व विस्तारित भागात विविध विकासात्मक कामे आपल्या विभागामार्फत सुरू आहेत काही ठिकाणी कामे पूर्ण झालेली आहेत तर कामे वर्क ऑर्डर नुसार होत नसल्याचा तसेच निकृष्ट दर्जाचे होत असल्याचा संशय नागरिकांना आहे.ही कामे गुणवत्तापूर्वक होत नसल्याने संबंधित कामाचे नाशिक येथील दक्षता गुणवत्ता नियंत्रण विभागाकडून गुणवत्तेची पडताळणी करून प्रमाणपत्र घेण्यात यावे तसेच ही कामे भविष्यात खराब झाल्यास ठेकेदाराकडून दुरुस्ती करून घेणेबाबत हमीपत्र करून घ्यावे,ठेकेदाराला संबंधित कामाचे देयक देण्याची घाई करण्यात येऊ नये संबंधित कामे ही गुणवत्तापूर्वक टिकाऊ,तांत्रिक गुणवत्तेनुसार तसेच वर्कऑर्डर आणि मंजूर प्लॅन इस्टिमेट प्रमाणे करण्यात यावीत एवढीच शहरातील नागरिकांची अपेक्षा आहे.[ads id="ads2"]
दिलेल्या निवेदनावर उद्धव बाळासाहेब ठाकरे शिवसेना गटाचे जळगाव जिल्हा उपजिल्हाप्रमुख गोपाळ चौधरी,यावल शहर प्रमुख जगदीश कवडीवाले,शहर उपप्रमुख संतोष खर्चे,शहर उपप्रमुख योगेश राजपूत, तालुका उपप्रमुख शरद कोळी, शहर उपप्रमुख योगेश चौधरी, युवा सेना शहर प्रमुख सागर देवांग,प्रवीण लोणारी,तालुका संघटक पप्पू जोशी,आदिवासी शिवसेना तालुका प्रमुख हुसेन तडवी,माजी तालुकाप्रमुख कडू पाटील,उपशहर प्रमुख विजय कुंभार इत्यादी शिवसेना पदाधिकारी,कार्यकर्त्यांची स्वाक्षरी आहे.
हे ही वाचा :- पाठ बंधारे विभागात 35 कोटीचा भ्रष्टाचार प्रकरणी कारवाईचे लेखी पत्र मिळाल्याने उपोषण मागे
