रावेर (सुवर्ण दिप वृत्तसेवा) : तालुक्यातील केऱ्हाळा खुर्द ग्रामपंचायतीच्या १४ वा वित्त आयोग अंतर्गत सन २०१५-१६ ते सन २०२०-२१ या आर्थिक वर्षात केलेल्या खर्चात मोठ्या प्रमाणात अनियमितता झाल्याने केलेल्या भ्रष्टाचाराच्या चौकशीची मागणी खुद्द ग्रा प सदस्य सतीश निकम यांनी करूनही महिनाभरापासून प स रावेरने चौकशी केलेली नाही त्यामुळे प स कडून दोषींना पाठीशी घालण्यात येत असल्याचा आरोप तक्रारदार सतीश निकम यांनी केला आहे.[ads id="ads1"]
सन २०१५ ते २०२०-२१ या कालावधीत तत्कालीन सरपंच यांच्या कार्यकाळात हा खर्च करण्यात आला असून खर्चात मोठ्या प्रमाणात अनियमितता झाली आहे, अवाजवी किंमतीने साहित्य खरेदी करून निकृष्ट बांधकामे करण्यात आली आहेत यावर जवळपास एकोणावीस लाख रुपये नियमबाह्य पद्धतीने खर्च झाल्याचे तक्रारदार निकम यांचे म्हणणे आहे.[ads id="ads2"]
अंगणवाडी, जि.प.मराठी शाळा यांच्यासाठी साहित्य खरेदीची बिले ग्रा प दप्तरी लावण्यात आलेली असली तरी प्रत्यक्षात त्यांना ग्रा प कडून साहित्यच देण्यात आलेले नाही. सतीश निकम यांनी तक्रारी सोबत आवश्यक ते पुरावे सादर करूनही प स कडून त्यांच्या तक्रारीची दखल घेण्यात आलेली नाही. त्यामुळे येत्या १५ दिवसात चौकशी होऊन दोषींवर करवाई न झाल्यास प स रावेर कार्यालयासमोर बेमुदत उपोषण करण्यात येईल असे सतीश निकम यांनी माध्यमांशी बोलतांना सांगितले आहे.
