शारदा विद्या मंदिर व कनिष्ठ महाविद्यालय साकळी येथे स्व. राजीव गांधी जयंती सद्भावना दिन म्हणून साजरी

यावल तालुका प्रतिनिधी :- मिलिंद जंजाळे

यावल तालुक्यात दिनांक 20 ऑगस्ट  2023  रविवारी शारदा विद्या मंदिर व कनिष्ठ महाविद्यालय साकळी येथे भारताचे माजी पंतप्रधान स्व. राजीव गांधी यांची जयंती सद्भावना दिन म्हणून साजरी करण्यात आली. या कार्यक्रमाच्या अध्यक्षस्थानी विद्यालयाचे प्राचार्य  आर जे महाजन हे होते  तर व्यासपीठावर पर्यवेक्षक  एस जे पवार. श्री बी इ महाजन, एस पी निळे भाऊसाहेब,  आर. सी जगताप,  एन पी पाटील सर्व शिक्षक, शिक्षिका व शिक्षकेतर कर्मचारी हे उपस्थित  होते. [ads id="ads1"] 

 यावेळी मान्यवरांच्या शुभहस्ते स्व. राजीव गांधी यांच्या प्रतिमेचे पूजन व माल्यार्पण करण्यात आले. यावेळी सर्वांनी सद्भावना दिनाची शपथ घेतली. त्यानंतर प्राचार्य श्री आर जे महाजन यांनी स्व. राजीव गांधी यांच्या जीवनाबद्दल माहिती देतांना त्यांनी आमलात आणलेले 1986 चे शैक्षणिक धोरण, पंचायतराज व्यवस्था, माहिती व तंत्रज्ञान क्षेत्रातील योगदान  याविषयी माहिती देऊन मार्गदर्शन केले.[ads id="ads2"] 

 या कार्यक्रमाचे सूत्रसंचालन  एन पी पाटील यांनी केले तर आभार के आर सोनवणे यांनी मानलेत.सदर कार्यक्रमाच्या यशस्वीतेसाठी सर्व शिक्षक, शिक्षिका व शिक्षकेतर  कर्मचारी यांनी परिश्रम घेतले.