याबाबत पोलीस सुत्रांकडून मिळालेली माहिती अशी की, यावल तालुक्यातील मनवेल (Manvel Taluka Yawal) येथे राहणारी शितल उर्फ रूपाली विजय कोळी वय २२ वर्ष या महिलेने दि. ७ नोव्हेंबर मंगळवार रोजी चार महीन्याच्या गर्भवती अवस्थेत असलेल्या विवाहित महिलेने घरातील मंडळी घराबाहेर बसलेली असतांना आपल्या राहत्या घरातील छताच्या लोखंडी एंगलच्या सहाय्याने साडी बांधुन गळफास घेत आत्महत्या केली आहे. सदर आत्महत्या केलेल्या महिलेचा पती विजय कोळी हे घरात गेल्यावर हा प्रकार दिसुन आला.[ads id="ads2"]
यावेळी त्यांने आरडाओरड केल्यावर घरातील व परिसरातील मंडळी घराकडे धाव घेत तिला जिवंत असेल या आशेने त्याच अवस्थेत खाली उतरविले असता ती मयत झाल्याचे दिसुन आले.या गर्भवती महिलेचे मृतदेह यावलच्या ग्रामीण रुग्णालयात (Yawal Rural Hospital) आणले असता ग्रामीण रुग्णालयाचे वैद्यकीय अधिकारी डॉ.प्रशांत जावळे यांनी मृतदेहाचे शवविच्छेदन केले.या घटनेची खबर मयताचे सासरे भगवान दौलत कोळी वय ५७ वर्ष यांनी यावल पोलीस ठाण्यात (Yawal Police Station) दिल्याने अकस्मात मृत्युची नोंद करण्यात आली असुन पुढील तपास पोलीस निरिक्षक राकेश मानगावकर यांच्या मार्गदर्शनाखाली पोलीस उपनिरिक्षक सुनिल मोरे व पोलिस करीत आहे.गर्भवती महिलेने अशा प्रकारे टोकाचे पाऊल का उचलले? हे मात्र स्पष्ट होवु शकले नाही.
