यावल ( सुरेश पाटील) : वनपाल गस्ती पथक व यावल पश्चिम वन विभाग रेंजर स्टॉपने काल मंगळवार दि. 2 रोजी बोलेरो पिकअप वाहनातून अवैधरीत्या वाहतूक करीत असलेले खैर जातीचे साडेचार घनमीटर लाकूड वाहनासह पाच लाख रुपये किमतीचे लाकूड जप्त केले.
मिळालेल्या गुप्त बातमी वरून वनपाल गस्ती पथक व रेंज स्टाफ यावल पश्चिम सह शासकीय वाहनाने यावल तालुक्यातील नायगाव किनगाव रस्त्यावर गस्त करीत असताना किनगावकडे जात असतांना बोलेरो पीक अप संदिग्ध वाहन भरधाव वेगाने जात असता त्याला थांबविण्याचा प्रयत्न केला असता वाहन चालक वाहन सोडून अंधारात फ़रार झाला. सदर वाहनाची तपासणी केली असता त्यात खैर प्रजातीचे लाकूड मिळून आले.वाहन जप्त करून शासकीय विक्री आगार यावल येथे आणून पावतिने जमा केला. [ads id="ads1"]
जप्त माल महिंद्रा बोलेरो पिकअप व त्यात असलेले खैर जातीचे लाकूड अंदाजे ५.००० घन मीटर वाहन तसेच मालाची बाजार भावानुसार अंदाजित किंमत ५ लाख रुपये एवढी आहे.
सदर कार्यवाहीत आर.बी. थोरात वनपाल गस्ती पथक, विपुल पाटील वनपाल वाघझिरा,अक्षय रोकडे वनरक्षक निंबादेवी,चेतन शेलार वनरक्षक मनूदेवी,योगिराज तेली वाहन चालक तसेच सचिन तडवी पोलिस कांस्टेबल यांनी सहभाग घेतला.[ads id="ads2"]
सदर कार्यवाही ही धुळे येथील वनसंरक्षक हृषिकेश रंजन,यावल वन विभागाचे उपवनसंरक्षक जमीर शेख,आर.आर.सदगीर,धुळे विभागीय दक्षता पथक वनाधिकारी प्रथमेश हडपे सहाय्यक वन संरक्षक यावल यांच्या मार्गदर्शनाखाली करण्यात आली आहे.
वनक्षेत्रपाल गस्ती पथक यावल यांनी आवाहन केले आहे की वन व वन्यजीव तसेच सातपुडा जंगलातील अवैध लाकूड वाहतूक संबधित कोणाला काही गैरप्रकार निदर्शनास आल्यास तात्काळ टोल फ्री नंबर 1926 वर संपर्क करावा.
