यावल तालुक्यात डोंगरकठोरा शिवारात जंगल मे मंगल मधील नाट्य
यावल ( सुरेश पाटील ) तालुक्यात डोंगरकठोरा शिवारात सातपुडा जंगलातील धावडा जातीचा ३४ किलो डिंक अवैध वाहतूक करताना आढळून आल्याने कारवाईचा देखावा झाला परंतु आरोपी फरार झाल्याची घटना आज शनिवार दि.२३ मार्च २०२४ रोजी यावल पूर्व वन क्षेत्रात घडली यामुळे जळगाव येथे मुख्यालय असलेल्या यावल वन विभाग कार्यक्षेत्रात अनेक प्रश्न उपस्थित केले जात आहेत. [ads id="ads1"]
याबाबत माहिती अशी की यावल तालुक्यात डोंगर कठोरा ते डोंगरदे या मार्गावरील रस्त्यावर आज शनिवार दि.२३ मार्च २०२४ सकाळी वन विभाग कर्मचाऱ्यांचे गस्ती पथक गस्त करीत असताना त्यांना एक बिना क्रमांकाची लाल रंगाची बजाज कंपनीची मोटारसायकलवर एक संशयित व्यक्ती धावडा वृक्षाचा डिंक ३४ किलो अवैधरित्या घेऊन जाताना दिसून आला.परंतू वनविभागाचे शासकीय वाहन बघून तो मोटरसायकल फेकून फरार झाला की त्याला फरार होण्यासाठी संधी उपलब्ध करून दिली आहे किंवा कसे..? आरोपी का पकडला नाही..? याबाबत यावल तालुक्यात अनेक प्रश्न उपस्थित केले जात आहे.याबाबत सहाय्यक वनसंरक्षक हडपे यांच्याशी भ्रमणध्वनी वरून संपर्क साधला असता त्यांचा भ्रमणध्वनी "नो रिप्लाय " झाला त्यामुळे अधिकृत माहिती मिळाली नाही यावल पूर्व वन विभागात कारवाई झाली मात्र अधिकारी कर्मचारी यांनी प्रसिद्धी माध्यमांपासून माहिती का लपवली..? समजायला मार्ग नाही तसेच वन विभाग कारवाई करताना सविस्तर माहिती देत नसल्याने सध्या वन विभागाच्या कारवाईबाबत सातपुड्यात आणि चोपडा यावल रावेर तालुक्यात अनेक प्रश्न उपस्थित केले जात आहेत.[ads id="ads2"]
यावल वन विभाग जळगाव यांच्या कार्यक्षेत्रात गेल्या दोन दिवसापूर्वी चोपडा वन विभाग कस्टडीतून आरोपी फरार झाला याची सुद्धा माहिती प्रसिद्धी माध्यमांना वनविभाग वरिष्ठ अधिकारी यांनी दिलेली नाही गेल्या एक दीड वर्षांपूर्वी यावल पूर्व वन विभागातून सुद्धा आरोपी फरार झाले आहे ते आरोपी अद्याप पकडले न गेल्याने वनविभागाच्या संपूर्ण कारभाराबाबत अनेक प्रश्न उपस्थित केले जात असून जळगाव येथील यावल वन विभाग उपवनसंरक्षक, सहाय्यक वन संरक्षक आणि त्यांच्या कार्यक्षेत्रातील वनक्षेत्रपाल यांच्यासह काही वनपाल,वनरक्षक,वनमजूर. यांच्या कामकाजाविषयी अनेक प्रश्न उपस्थित केले जात आहेत.
यावल पूर्व वन विभागात नुकतेच नवीन वनक्षेत्रपाल बदली होऊन आल्याने कर्तव्य दक्षता म्हणून वन विभागात वनसंपत्तीची तस्करी व लूट करणाऱ्या विरुद्ध कारवाई करण्याचा देखावा सुद्धा दाखविला जात असल्याचे संपूर्ण यावल तालुक्यात बोलले जात आहे अशा प्रकारे कारवाई सातत्याने सुरू ठेवल्यास तसेच लाकूड व्यवसायिकांची चौकशी केल्यास अनेक गैरकारभार उघडकीस आल्याशिवाय राहणार नाही याकडे वन विभागाने आपले लक्ष केंद्रित करावे अशी मागणी होत आहे.
आज दि.२३ मार्च २०२४ रोजी झालेल्या कारवाईत वन विभागाने धावडा डिंक ३४ किलो असून ७ हजार रुपये इतकी किमंत आहे.तसेच एक दुचाकी मोटर सायकलची किंमत बाजारभावा प्रमाणे १७ हजार रुपये इतकी असुन वन विभागाच्या कार्यवाहीत जप्त वाहनासह मालाची किंमत सुमारे २५ हजार रुपये इतकी असल्याचे समजले.
