रावेर (सुवर्ण दिप वृत्तसेवा) : रावेर तालुक्यातील सावदा (Savada Taluka Raver Dist Jalgaon) येथे कोचुर रोडवरील (Kochur Road,Savada) शेतातील घरात रखवालदाराचा दगडाने ठेचून खून केल्याची घटना उघडकीस आली आहे. शोभाराम बारेला उर्फ सुरमा भोपाली (वय ४०, मूळ रा.मध्यप्रदेश) असे खून झालेल्या रखवालदाराचे नाव आहे. यामुळे मोठी खळबळ उडाली आहे.[ads id="ads1"]
याबाबत अधिक माहिती अशी की, रावेर तालुक्यातील सावदा (Savada Taluka Raver Dist Jalgaon) येथे कोचुर रोडवर रविंद्र बेंडाळे यांच्या शेतात रखवालदार म्हणून शोभाराम कामाला होते. ते शेतातील घरात राहत होते. शुक्रवारी रात्री अज्ञाताने शोभाराम यांच्या तोंडावर दगडाचे घाव घालून खून केला. तसेच त्याच्या छातीवर मोठा दगडही ठेवला होता.[ads id="ads2"]
याची माहिती मिळताच सावदा पोलीस (Savada Police) घटनास्थळी दाखल झाले. तपासासाठी जळगाव येथून श्वान पथक मागविण्यात आले आहे. पुढील तपास सावदा पोलीस(Savada Police Station) ठाण्याचे सहायक पोलीस निरीक्षक जालिंदर पळे, यांच्यासह पोलिस कर्मचारी देवा पाटील, यशवंत खेळकर करीत आहेत.
हेही वाचा: आचारसंहितेचे उल्लंघन केल्याने पंचायत समितीचे वरिष्ठ सहाय्यक यू.एस.धोटे सेवेतून निलंबित
