सरदार वल्लभभाई पटेल कला व विज्ञान महाविद्यालय ऐनपुर येथे ज्ञान गंगोत्री हस्तलिखित मंडळामार्फत हस्तलिखित ज्ञानगंगोत्री भिंतीपत्रिकेचे उद्घाटन महाविद्यालयाचे प्राचार्य डॉ.जे.बी. अंजने यांच्या हस्ते करण्यात आले. महाविद्यालयात शैक्षणिक गुणवत्ते बरोबरच विद्यार्थ्यांच्या कला गुणांचा विकास व्हावा व त्यांच्यामध्ये वाड़मय साहित्याची अभिरुची निर्माण व्हावी.या हेतूने महाविद्यालयात ज्ञान गंगोत्री हस्तलिखित भिंती पत्रिकेचे उद्घाटन ९सप्टेंबर रोजी करण्यात आले.
(ads)
विद्यार्थ्यांनी स्वलिखित साहित्य मराठी ,हिंदी, इंग्रजी आणि गुर्जर भाषेत विविध विषय घेऊन लेख, कविता, म्हणी, कहावतें ,चुटकुले, निबंध, शेरो शायरी, घोषवाक्य, सुविचार ,मुहावरे इ. साहित्य लिहून आणले ते साहित्य तपासून योग्य मार्गदर्शन करून त्यात सुधारणा करून त्या साहित्याचे प्रकाशन करण्यात आले. कार्यक्रमाच्या यशस्वीतेसाठी डॉ. रेखा पाटील, डॉ.एम के सोनवणे ,डॉ. पी आर गवळी , प्रा.प्रदीप तायडे, प्रा,डॉ. व्ही एन रामटेके व विद्यार्थी विद्यार्थिनींचे सहकार्य लाभले.तसेच ऋतिका सुरेश गवळी, संजना विनोद भालेराव ,शिवानी तुकाराम भोई, शिक्षकेतर कर्मचारी ,अनिकेत पाटील, श्रेयस पाटील यांचे सहकार्य लाभले.
