यावल तालुका प्रतिनिधी (राहुल जयकर)
आयुर्वेदाच्या माध्यमातून समाजसेवेचा आदर्श — आडगावच्या समाजसेविकेचा राज्यस्तरीय गौरव
आडगाव (ता. यावल, जि. जळगाव) येथील समाजसेविका सौ. मीना नशीर तडवी यांना त्यांच्या उल्लेखनीय सामाजिक कार्याबद्दल “महाराष्ट्र भूषण राज्यस्तरीय आदर्श समाजरत्न पुरस्कार २०२५” जाहीर झाला आहे.
हा प्रतिष्ठित पुरस्कार डीएसपी न्यूज चॅनल तर्फे जाहीर करण्यात आला असून, दि. ९ नोव्हेंबर २०२५ रोजी सातारा येथे, महाराष्ट्र राज्याचे ग्रामविकास व पंचायत राज मंत्री तथा पालक मंत्री मा. नाना जयकुमार गोरे यांच्या शुभहस्ते प्रदान करण्यात येणार आहे.
(ads)
सौ. तडवी एसएलपीएस वेलनेस प्रायव्हेट लिमिटेड कंपनीमध्ये कार्यरत असून, आपल्या निष्ठा आणि सेवाभावी वृत्तीमुळे समाजसेवेचा एक आदर्श निर्माण केला आहे.
ही कंपनी आर्मीतील निवृत्त अधिकारी डॉ.संजीव कुमार यांच्या मार्गदर्शनाखाली कार्यरत असून, मानवी आजारांवर संपूर्ण आयुर्वेदिक उपचारपद्धती वापरणारी अग्रगण्य संस्था म्हणून ओळखली जाते.
(ads)
सौ. मीना तडवी या ग्रामीण व सर्वसामान्य लोकांपर्यंत कंपनीच्या आयुर्वेदिक औषधी आणि उपचारपद्धती पोहोचविण्याचे कार्य मनापासून करतात. विशेषतः गरीब, गरजवंत आणि दुर्गम भागातील नागरिकांपर्यंत आरोग्यसेवा पोहोचविणे हेच त्यांचे ध्येय आहे. त्यांच्या निःस्वार्थ सेवेमुळे अनेकांना आरोग्यदायी आणि सुखी जीवनाचा मार्ग सापडला आहे.
(ads)
या सन्मानाबद्दल आनंद व्यक्त करताना सौ. तडवी म्हणाल्या —
“मला मिळालेला हा पुरस्कार म्हणजे माझ्या कार्याची समाजाकडून मिळालेली दाद आहे. पुढेही अधिकाधिक लोकांपर्यंत आयुर्वेदाच्या माध्यमातून आरोग्यसेवा पोहोचवण्याचा माझा संकल्प आहे.”
या गौरवामुळे आडगाव परिसरात उत्साहाचे वातावरण असून, स्थानिक ग्रामस्थ, सामाजिक संस्था व सहकाऱ्यांनी त्यांच्या यशाचा मनःपूर्वक अभिमान व्यक्त केला आहे.
