जळगाव (सुवर्ण दिप वृत्तसेवा) : दिनांक 29/11/2025 शनिवार रोजी महाराष्ट्र राज्यशाखेकडून जळगाव जिल्हा पूर्व शाखेचे पुनर्गठन करण्यात आले. त्याकरिता राज्यशाखेकडून निवड समिती सदस्य म्हणून आद. अँड.डॉ. एस एस वानखेडे राष्ट्रीय सचिव, आद प्रशांत गडकरी महा. राज्य कोषाध्यक्ष, आद. के वाय सुरवाडे महा. राज्य सचिव,आद. गौरव पवार नाशिक विभाग प्रभारी राज्य संघटक, यांनी निवड प्रक्रिया पार पाडली. कार्यक्रमाच्या सुरुवात आदर्शांची पुष्प पूजा व त्रिशरण पंचशील घेऊन करण्यात आली. त्यानंतर प्रमुख पाहुण्यांचा स्वागत सत्कार करण्यात आला.
(ads)
जिल्हासरचिटणीस सुशीलकुमार हिवाळे यांनी आधीच्या कार्यकारिणीचा कार्य अहवाल गुणात्मक, संख्यात्मक, आणि विभागवार सादर केला. त्यानंतर इच्छुक पदाधिकाऱ्यांकडून भावी कामकाजाबाबत मतप्रदर्शन जाणून घेतले व लेखी आवेदन पत्र भरून घेतले. त्यानंतर निवड समितीने उपस्थितांना मार्गदर्शन करून नूतन कार्यकारिणी जाहीर केली. त्यात भारतीय बौद्ध महासभा जळगाव (पू) जिल्हा संस्कार विभाग सचिव पदी रावेर येथील संघरत्न दामोदरे यांची निवड करण्यात आली. तसेच ऐनपूर येथील विजय अवसरमल यांची संघटक पदी निवड करण्यात आली. त्यांच्या निवडीने त्यांचेवर संपूर्ण जिल्हा भरातून अभिनंदनाचा वर्षाव केला जात आहे.
(ads)
जिल्हा शाखेच्या जनरल सभेकरिता लताताई तायडे महिला राज्यसंघटक, महिला जिल्हाध्यक्ष प्रियंकाताई अहिरे, महिला सरचिटणीस वैशालीताई सरदार, यासह जिल्ह्यातील प्रत्येक तालुका शाखेचे अध्यक्ष, सरचिटणीस, शहराध्यक्ष, केंद्रीय शिक्षक, शिक्षिका, बौद्धाचार्य, समता सैनिक दलाचे सैनिक, आजी-माजी पदाधिकारी, कार्यकर्ते उपस्थित होते कार्यक्रमाचे सूत्रसंचालन गौरव पवार राज्य संघटक यांनी केले. तर आभार सुशीलकुमार हिवाळे जिल्हा सरचिटणीस यांनी मानले.
