रावेर (सुवर्ण दिप वृत्तसेवा) : भारतीय बौद्ध महासभा जळगाव (पू) अंतर्गत रावेर तालुका शाखेच्या माध्यमातून दरवर्षी बुद्ध नगरी, स्टेशन रोड, रावेर येथे श्रामणेर बौद्धाचार्य प्रशिक्षण शिबिराचे आयोजन केले जाते. यावर्षी सुद्धा दिनांक २६ एप्रिल २०२६ ते ५ मे २०२६ या दहा दिवशीय श्रामणेर शिबिर घेण्यात येणार आहे. या शिबिराला रावेर तालुक्यासह जळगाव जिल्ह्यातील भारतीय बौद्ध महासभेचे पदाधिकारी उपस्थित राहणार आहे.
यात श्रामणेर संघाचे उपाध्याय प.पु. भन्ते दिपंकरजी महाथेरो (चैत्यभुमी दादर, मुंबई) हे करणार आहेत.प्रमुख मार्गदर्शक म्हणून आद.ए.टी. सुरळकर (केंद्रीय शिक्षक/जि. संघटक, जळगांव पु.), कार्यक्रमाचे उद्घाटक आद. सुमंगल तथा रविंद्र अहिरे (जि.अध्यक्ष, जळगाव पु.),कार्यक्रमाचे अध्यक्ष
आद. विजय भोसले (ता. अध्यक्ष, रावेर) दिप पुजा आद. सुशिलकुमार हिवाळे (जि. सरचिटणीस) व आद. डॉ. संजीव साळवे,तसेच पुष्प पूजा आद. रविंद्र वानखेडे जि. उपाध्यक्ष (संस्कार विभाग), व आद. शैलेंद्र जाधव (जि. कार्यालय सचिव)
तसेच धुप पुजा आद. संघरत्न दामोदरे (जि. सचिव संस्कार विभाग) व आद. भिमराव पवार (जि. सचिव संस्कार विभाग) यांच्या हस्ते करण्यात येणार आहे.
रावेर तालुक्याच्या वतीने दि. २६/०४/२०२६ ते ०५/०५/२०२६ दहा दिवसीय श्रामनेर बौध्दाचार्य प्रशिक्षण शिबीराचे आयोजन श्रध्दायुक्त चित्ताने केले आहे. तरी आपण सर्वांनी या पुण्यकर्मा मध्ये सहभागी होऊन दानकर्म करुन आपल्या कुशल कमांची वाढ होऊन आपले कुशलकर्म संपादन करावे व या धम्माच्या कार्याला हातभार लाऊन सरळ हाताने दान देऊन आपले पुण्यकर्म वाढवावे व कार्यक्रम यशस्वी करावे ही विनंती आयोजकांतर्फे करण्यात आले आहे.
