रावेर येथील तक्षशिला विहारात आंबेडकरी चळवळीतील कार्यकर्त्यांची महत्त्वपूर्ण बैठक संपन्न; जनजागृतीचे आवाहन

रावेर येथे अनुसूचित जाती उपवर्गीकरणा विरोधात १० ऑगस्टला तहसीलवर भव्य मोर्चा

रावेर येथील तक्षशिला विहारात आंबेडकरी चळवळीतील कार्यकर्त्यांची महत्त्वपूर्ण बैठक संपन्न; जनजागृतीचे आवाहन

रावेर (राहुल डी गाढे)

महाराष्ट्र राज्य शासनाने अनुसूचित जातीच्या उपवर्गीकरणाची अंमलबजावणी करू नये, या मुख्य मागणीसाठी रावेर तालुक्यातील आंबेडकरी चळवळ आणि अनुसूचित जातीतील सर्व घटकांना एकत्र आणून येत्या **१० ऑगस्ट २०२६** रोजी रावेर तहसील कार्यालयावर **भव्य मोर्चा** काढण्याचा महत्त्वपूर्ण निर्णय घेण्यात आला आहे. या मोर्चाच्या पूर्वतयारीसाठी बुधवारी (दि. २२ जुलै) येथील तक्षशिला विहारात रावेर तालुक्यातील आंबेडकरी चळवळीतील सर्व प्रमुख कार्यकर्त्यांची आढावा बैठक पार पडली.

(ads)

शासनाने कोणत्याही परिस्थितीत अनुसूचित जातींचे उपवर्गीकरण करू नये, यासाठी शासन दरबारी तीव्र विरोध नोंदवण्याच्या उद्देशाने या मोर्चाचे आयोजन करण्यात आले आहे. या बैठकीत मोर्चाच्या यशस्वीतेसाठी आजपासूनच संपूर्ण तालुक्यात व्यापक जनजागृती मोहीम राबवण्याचा संकल्प करण्यात आला. तसेच तालुक्यातील समस्त आंबेडकरी जनता व अनुसूचित जातीतील बांधवांनी मोठ्या संख्येने या मोर्चात सहभागी व्हावे, असे आग्रहाचे आवाहन सर्व उपस्थितांच्या वतीने करण्यात आले आहे.

(ads)

प्रमुख उपस्थितांची नोंद

या बैठकीस रावेर तालुक्यातील आंबेडकरी चळवळीतील प्रमुख नेते, पदाधिकारी व सामाजिक कार्यकर्ते मोठ्या संख्येने उपस्थित होते. यामध्ये प्रामुख्याने:

 प्रमुख नेते व पदाधिकारी: कामगार नेते दिलीप कांबळे, ॲड. योगेश गजरे, पंकज वाघ, सामाजिक कार्यकर्ते उमेश गाढे, माजी नगरसेवक जगदीश घेटे, राजू सवरणे, वंचित बहुजन आघाडीचे माजी तालुकाध्यक्ष बाळू शिरतुरे, मुक्ती मोर्चाचे जिल्हा उपाध्यक्ष महेश तायडे.

 (ads)

आंबेडकरी चळवळीतील प्रमुख कार्यकर्ते: अँड दिपक तायडे सर,ईश्वर अटकाळे, संघरत्न दामोदरे, राजेंद्र अटकाळे, राहुल लहासे, राहुल गाढे, विनोद मोरे, संकेत तायडे, प्रदीप घेटे, अरविंद महाजन, विकास ससाने, प्रकाश महाले, नवीन दास इंगळे, सर रवींद्र रायपुरे, संतोष ढीवरे, विलास भालेराव, विनोद तायडे यांसह तालुक्यातील सर्व प्रमुख कार्यकर्ते व नागरिक उपस्थित होते.

(ads)

विशेष आवाहन:

 अनुसूचित जातीच्या हक्कांचे रक्षण करण्यासाठी आणि उपवर्गीकरणाला सनदशीर मार्गाने तीव्र विरोध दर्शवण्यासाठी १० ऑगस्ट रोजी होणाऱ्या या मोर्चात तालुक्यातील प्रत्येक गावातील नागरिकांनी उस्फूर्तपणे सहभागी व्हावे, असे आवाहन बैठकीत करण्यात आले आहे.