ऐनपुर ता.रावेर (विजय अवसरमल) सरदार वल्लभभाई पटेल कला व विज्ञान महाविद्यालयातील स्पर्धा परीक्षा मार्गदर्शन केंद्र आणि द युनिक अकॅडमी, जळगाव यांच्या संयुक्त विद्यमाने विद्यार्थ्यासाठी “पदवी काळात स्पर्धा परीक्षांची तयारी” या विषयावर व्याख्यानांचे आयोजन करण्यात आले. सदर कार्यक्रमाचे अध्यक्षस्थान महाविद्यालयाचे प्राचार्य डॉ. जे. बी. अंजने यांनी भूषविले. [ads id="ads1"]
कार्यक्रमाच्या सुरवातीला लोहपुरुष सरदार वल्लभभाई पटेलांच्या प्रतिमेचे पूजन करण्यात आले. व्यासपीठावर श्री नरेन्द्र पाटील, श्री. विकास गिरासे प्राचार्य डॉ. जे. बी. अंजने, डॉ. सतीश वैष्णव उपस्थित होते. कार्यक्रमाचे प्रास्तविक डॉ. सतीश एन. वैष्णव यांनी केले. प्रमुख मार्गदर्शक प्रा. विकास गिरासे , शाखा प्रमुख द युनिक अकॅडमी जळगाव, यांनी आपल्या मार्गदर्शनात राज्य व केंद्र शासना तर्फे स्पर्धा परीक्षांमार्फत भरल्या जाणाऱ्या विविध पदांची माहिती दिली. [ads id="ads2"]
त्यानंतर विद्यार्थ्यांना पूर्व आणि मुख्य परक्षेचे स्वरूप समजावून सांगितले. विद्यार्थ्याशी हितगूज करतांना त्यांच्या विविध शंकाचे निरसन केले. अध्यक्षीय समारोपात प्राचार्य डॉ. जे. बी. अंजने यांनी आजच्या स्पर्धेच्या युगात विद्यार्थ्यांमध्ये स्पर्धा परीक्षांबद्दल जागृती निर्माण व्हावी त्यात ते यशस्वी व्हावेत यासाठी सदर केंद्र महाविद्यालयात कार्यरत आहे असे सांगितले.
कार्यक्रमाचे सूत्रसंचालन डॉ. व्ही एन रामटेके यांनी तर आभार डॉ. संदीप एस. साळुंके यांनी मानले. सदर कार्यक्रमाला एकूण 73 विद्यार्थी उपस्थित होते. कार्यक्रमाच्या यशस्वीते साठी महाविद्यालयाचे प्राचार्य डॉ. जे. बी. अंजने यांच्या मार्गदर्शनाखाली डॉ. रमेश भोळे, डॉ.के. जी. कोल्हे, प्रा. एच एम. बाविस्कर, आणि सर्व प्राध्यापक व प्राध्यापकेतर कर्मचारी यांनी परिश्रम घेतले.
