यावल (सुरेश पाटील) महामानव डॉ. बाबासाहेब आंबेडकर यांच्या जयंतीनिमित्त पाडळसे येथे दि.14 एप्रिल2022 गुरुवार रोजी विविध कार्यकारी सोसायटीत डॉ.कुंदनदादा फेगडे मित्र परिवारातर्फे मोफत नेत्र तपासणी शस्त्रक्रिया शिबिरचे आयोजन केले होते.शिबिरात 115ग्रामस्थांनी मोठ्या संख्येने सहभाग घेतला.[ads id="ads1"]
उपस्थित रुग्णांची मोफत नेत्र तपासणी करण्यात आली तर मोतीबिंदू निदान झालेल्या11रुग्णांची प्राथमिक तपासणी करून त्यांना ऑपेरेशन साठी कांताई नेत्रालय जळगाव येथे रवाना करण्यात आले. सदरील शिबिरात कांताई नेत्रालय जळगाव येथील शिबीर नियोजक युवराज देसर्डा यांनी मार्गदर्शन केले.व नेत्र चिकित्सक डॉ.रोहित गैत्मम यांनी रुग्ण बांधवांची तपासणी केली.[ads id="ads2"]
या वेळी पाडळसे गावाचे उपसरपंच खेमचंद कोळी, डॉ.कुंदनदादा फेगडे व युवराज देसर्डा यांनी रुग्णांना मार्गदर्शन केले *आधार नसलेल्या वृध्दांच्या हाताला आधार कुणी द्यावा* या वेळी डॉ.कुंदन फेगडे यांनी रुग्ण बांधवांना आपले मनोगत व्यक्त करतांना म्हणाले कि आज काल वृद्ध आई वडील मुलांना नकोसे वाटतात त्यांना सांभाळणं नको वाटतं अशा वेळी आधार नसलेल्या हाताला आधार कुणी द्यावा..असा प्रश्न मला कायम पडायचा म्हणून मी व माझ्या मित्र परिवाराच्या सहकार्याने संपूर्ण यावल तालुका मोतीबिंदू मुक्त करण्याच्या उद्दिष्ठ डोळ्यांसमोर ठेऊन हे कार्य हाती घेतले व माझा संपूर्ण मित्र परिवाराच्या सहकार्याने यावल तालुक्यात आता पर्यत एकूण 21 शिबिराच्या माध्यमातून वृद्ध सेवा करण्याचे भाग्य मला व माझ्या मित्र परिवाराला लाभले.
जो पर्यत संपूर्ण यावल तालुका मोतीबिंदू मुक्त होत नाही तो पर्यत हि सेवा व कार्य सुरू ठेवणार असल्याची इच्छा व्यक्त केली.या कार्यक्रमाच्या अध्यक्षस्थानी पाडळसे गावाचे सरपंच ज्ञानेश्वर तायडे होते,तर कार्यक्रमाचे उद्धघाटन डॉ.कुंदनदादा फेगडे यांच्या हस्ते भारत मातेच्या प्रतिमेला व भारतरत्न डॉ.बाबासाहेब आंबेडकर यांच्या प्रतिमेला माल्यार्पण अर्पण करून भारतरत्न डॉ.बाबासाहेब आंबेडकर जयंती निमित्त विनम्र अभिवादन करून कार्यक्रमाचे उद्धघाटन करण्यात आले.
या वेळी डॉ.कुंदन फेगडे,ज्ञानेश्वर तायडे (सरपंच)खेमचंद कोळी, (उपसरपंच)डॉ.उदय चौधरी, राहुल पाटील (माजी प्रभारी उपसरपंच)सुरेश खैरनार(पोलीस पाटील)मुकुंदा कोळी वासुदेव कोळी,आरिफ पटेल,शेखर तायडे, शांताराम कोळी.नथू कोळी, किशोर कोळी,सय्यद नूर, बापूभाऊ तायडे तसेच गावातील जेष्ठ प्रतिष्टीत सामाजिक कार्यकर्ते आदींची उपस्थिती होती या कार्यक्रमाला डॉ.कुंदनदादा फेगडे यांचे संपर्कप्रमुख सागर लोहार, मनोज बारी,विशाल बारी,राहुल पाटील आदींनी कार्यक्रमासाठी परिश्रम घेतले.
