फैजपूर प्रतिनिधी (समाधान गाढे) भरधाव दुचाकीवरील ताबा सुटल्याने झालेल्या अपघातात दुचाकीस्वाराचा मृत्यू झाला. विजय जनार्दन पाटील (४९) असे मयताचे नाव आहे. या प्रकरणी फैजपूर पोलीस ठाण्यात गुन्हा दाखल करण्यात आला आहे.[ads id="ads1"]
भुसावळ येथील के.पी. क्लब, दत्त मंदिराजवळील रहिवासी विजय जनार्दन पाटील (वय ४९) हे मंगळवारी मध्यरात्री १२.३० ते १ वाजण्याच्या एसी सुमारास दुचाकी (एमएच-१९ १९२२) द्वारे फैजपूरहून भुसावळकडे जात होते.[ads id="ads2"]
या दरम्यान, पिंपरुळ रोडवर टीव्हीएस शोरूमजवळ भरधाव दुचाकीवरील त्यांचा ताबा सुटल्याने, दुचाकी रस्त्याच्या बाजूला चारीतील झुडपात घुसली. या अपघातात विजय पाटील त्यांच्या डोक्याला गंभीर दुखापत झाली व उपचारापूर्वीच त्यांचा मृत्यू झाला.
हेही वाचा :- पाल येथील अपघातातील गंभीर जखमीचा अखेर मृत्यू
या घटनेबाबत दुचाकीवरील ताबा सुटल्याने विजय पाटील हे स्वतःच्या मरणास कारणीभूत ठरल्याप्रकरणी फैजपूर पोलीस ठाण्यात गुन्हा दाखल करण्यात आला आहे.पुढील तपास हवालदार रवींद्र मोरे करीत आहे.
