'आपली पेंशन आपल्या दारी' योजना प्रभावीपणे राबवा - रावेर तहसील कार्यालयात झालेल्या बैठकीत नायब तहसीलदार संजय तायडे यांच्या सूचना

संजय गांधी योजनेचे अर्थसहाय्य लाभार्थी असलेले अनाथ , दिव्यांग , वयोवृद्ध , आजारी व्यक्ती, विधवा महिलांना आपली पेंशन काढतांना श्रम, वेळ व पैसा खर्च होतो.याची बचत व्हावी म्हणून 'आपली पेंशन आपल्या दारी' योजना प्रभावीपणे राबवण्याच्या सूचना रावेर निवासी नायब तहसिलदार संजय तायडे यांनी केल्या आहे.[ads id="ads2"]  

जळगाव जिल्हाधिकारी अभिजीत राऊत यांची महत्वाकांक्षी असलेली योजना पोष्ट खात्या मार्फत 'पेंशन आपल्या दारी' पोहचावी म्हणून पोष्ट अधिकारी व पोष्टमन यांची सजंय गांधी योजनाच्या कार्यालयात तहसीलदार उषाराणी देवगुणे यांच्या मार्गदर्शनाखाली रवरेचे निवासी नायब तहसीलदार संजय तायडे यांनी बैठक घेतली.[ads id="ads1"]  

उपस्थित पोष्ट अधिका-यांना तलाठी कोतवाल व डाकसेवक मार्फत जनजागृती करावी , लाभार्थी यांचे बँक खाती आधारलिंक करावे , लाभार्थीची तलाठी व पोष्ट अधिकारी यांनी गाव पातळीवर बैठक घ्यावी , संबधित लाभार्थीना कोणतेही अतीरिक्त शुल्क न घेता बँक खात्यावरील अनुदान थेट लाभार्थीना रोख स्वरुपात द्यावे. यासह अनेक सूचना बैठकीत निवासी नायब तहसीलदार संजय तायडे यांनी पोष्ट अधिकारी व कर्मचारी यांना दिल्या.

यावेळी बैठकीला पोष्ट मास्तर दिनेश बारी , राहुल पाटील , दिनकर हीरे , आकाश शिजवळे , पोष्ट मास्तर शांतराम महाजन , महसूल सहायक योगेश मोहीते , इंगायो महसूल सहायक अजित टोंगळे , पुरुषोत्तम महाजन आदी बैठकीला उपस्थित होते.