यावल दि.6(सुरेश पाटील) रावेर लोकसभा मतदारसंघातील राज्य महामार्गांना राष्ट्रीय महामार्ग दर्जा देण्यात यावा याबाबत रस्ते वाहतूक व महामार्ग केंद्रीय मंत्री मा.नितीनजी गडकरी यांची दिल्ली येथे भेट घेऊन महत्त्वपूर्ण मागणी खासदार रक्षाताई खडसे यांनी केली.[ads id="ads1"]
रावेर लोकसभा क्षेत्रातील १. नशिराबाद-सूनसगाव-कुऱ्हा-बोदवड- मलकापूर-शेगाव रस्ता, २. सावदा-हतनूर-चांगदेव-कोथळी-हरताळा- माळेगाव-बोदवड फाटा रस्ता,३.फागणे-अमळनेर-चोपडा-खरगोन(मध्यप्रदेश)रस्ता व ४. पाचोरा-वरखेडी-शेंदुर्णी-पहुर रस्ता हे राज्य महामार्ग असून यांच्यावर खूप मोठ्या प्रमाणात दळणवळण असते सदर रस्त्यांची स्थिती ही अत्यंत दयनीय असून सदर रस्त्यांना पाहिजे तसा निधी उपलब्ध होत नाही,त्यामुळे सदर राज्यमार्ग यांना राष्ट्रीय महामार्ग दर्जा देऊन वार्षिक आराखड्यात समाविष्ट करून निधी उपलब्ध करावा.[ads id="ads2"]
तसेच मध्यप्रदेश, महाराष्ट्र व गुजरात या तीन राज्यांसाठी महत्वपूर्ण असलेला बुऱ्हानपूर-अंकलेश्वर हा महामार्गाच्या राष्ट्रीयकरणाला गती देण्यात येऊन तत्काळ त्यांची सुधारण करण्यात यावी अशी मागणी यावेळी रस्ते वाहतूक व महामार्ग केंद्रीय मंत्री श्री.नितीनजी गडकरी यांच्याकडे केली.या मागण्यांना सकारात्मक रित्या प्रतिसाद मिळाला आहे.
हेही वाचा :- 19 वर्षीय तरुणाचा वीज प्रवाह उतरलेल्या ट्यूबवेलचा शॉक लागल्याने मृत्यू : जळगाव जिल्ह्यातील घटना
