ऐनपुर प्रतिनिधी:- विजय एस अवसरमल
तासखेडा ता.रावेर येथील वीटभट्टी जवळ मोठ्या प्रमाणात जेसीबीद्वारे अवैध माती उत्खनन झाले असून वृतांकन करीत असताना जेसीबी मालक शुभम विकास पाटील रा.तासखेडा ता.रावेर जि.जळगाव यांनी पत्रकार अनिल इंगळे तासखेडा मंडे टू मंडे न्यूज चे वार्ताहर यांना शिवीगाळ करून त्यांचेकडील चित्रीकरण करीत असलेला रिअलमी कंपनीचा मोबाईल फोन हिसकावून घेत त्यांना जिवे ठार मारण्याची धमकी व शिविगाळ करीत धक्काबुक्की केली असून त्यांचे जीवास काही एक बरेवाईट झाल्यास सदर व्यक्ती जबाबदार राहील.[ads id="ads1"]
लघु पाटबंधारे यांच्या असलेलेल्या जमिनीवर अवैधरीत्या माती उत्खनन करण्यात आलेले असून त्याच प्रकारे अशा अवैध माती उत्खनन तसेच अवैध गौणउत्खननाच्या घटना तालुक्यात मोठ्या प्रमाणावर होत असून महसूल प्रशासनाने सखोल चौकशी करण्यात यावी व संबंधित जेसीबी मालक यांचेवर कायदेशीर कार्यवाही करण्यात यावी.[ads id="ads2"]
संबंधित प्रकरणाची लवकरात लवकर सखोल चौकशी करून संबंधितांवर कार्यवाही करावी व तसा कार्यवाही अहवाल देण्यात यावा.अशा आशयाचे निवेदन पत्रकार संरक्षण समिती ग्रामीण यांनी तहसिलदार रावेर यांना दिले आहे
